அதிமுக மூத்த நிர்வாகி கே.ஏ. செங்கோட்டையன், தமிழக வெற்றிக் கழகத்தை (தவெக) தேசிய ஜனநாயகக் கூட்டணியில் (NDA) சேர்ப்பதற்கான முயற்சிகள் நடைபெற்று வருவதாகக் கூறி அரசியல் வட்டாரத்தில் நிலவி வந்த சஸ்பென்ஸை உடைத்துள்ளார். கோபிசெட்டிபாளையத்தில் கட்சி நிர்வாகிகளிடையே பேசிய அவர், கூட்டணி குறித்த இந்த முக்கிய தகவலைப் பகிர்ந்துள்ளார்.
கூட்டணி குறித்துப் பேசிய அவர், நடிகர் விஜய்யை முதலமைச்சர் வேட்பாளராக ஏற்றுக்கொள்பவர்களுடன் மட்டுமே தவெக கூட்டணி அமைக்கும் என்பதில் உறுதியாக இருப்பதாகத் தெரிவித்தார். விஜய் தான் தங்களின் முதலமைச்சர் முகம் என்பதில் தவெகவினர் மிகத் தெளிவாக இருப்பதை அவரது பேச்சு உறுதிப்படுத்தியுள்ளது.
இருப்பினும், விஜய் தான் முதலமைச்சர் வேட்பாளர் என்ற தவெகவின் பிடிவாதமான நிலைப்பாட்டால், தவெக – NDA இடையே கூட்டணிப் பேச்சுவார்த்தை நடப்பதற்கான வாய்ப்புகள் குறைவு என அரசியல் விமர்சகர்கள் கருதுகின்றனர். இது வரும் தேர்தலில் புதிய அரசியல் மாற்றங்களுக்கு வழிவகுக்குமா என்ற எதிர்பார்ப்பு எழுந்துள்ளது.