தமிழக முதலமைச்சர் மு.க.ஸ்டாலினை பிரபல இசையமைப்பாளர் தேவா மற்றும் அவரது சகோதரர் சபியேஷ் (ஜிவா) ஆகியோர் சந்தித்து உரையாடிய வீடியோ தற்போது இணையதளங்களில் வைரலாகி வருகிறது. சென்னை சித்தரஞ்சன் சாலையில் உள்ள முதலமைச்சரின் இல்லத்தில் இந்தச் சந்திப்பு நடைபெற்றது. அப்போது, சமீபத்தில் இணையத்தில் ட்ரெண்டான “ஹாய் கைஸ்… நான் உங்கள் தேவா” என்ற பாணியில் முதலமைச்சருடன் இணைந்து அவர்கள் வீடியோ எடுத்துக்கொண்டனர்.
படிப்பை மட்டும் விட்றவே விட்றாதீங்க… எனக் கல்வியை முன்னிறுத்தி இன்ஸ்டாவில் கலக்கும் சிறுவர்கள்!
தேவா, ஜீவா உடன் உங்கள் ஸ்டாலின்.#VibeWithMKS pic.twitter.com/o0nDSkJYZL
— M.K.Stalin – தமிழ்நாட்டை தலைகுனிய விடமாட்டேன் (@mkstalin) March 14, 2026
இந்தச் சந்திப்பின் போது, இசையமைப்பாளர் தேவா தனது இசைப் பயணத்தில் கலைஞர் கருணாநிதி அவர்களுக்கு இருந்த பங்கு மற்றும் அவருடனான நினைவுகளை நெகிழ்ச்சியுடன் பகிர்ந்துகொண்டார். மேலும், முதலமைச்சர் ஸ்டாலினின் மக்கள் நலப் பணிகளைப் பாராட்டியதுடன், அவருடன் இணைந்து இன்ஸ்டாகிராம் ரீல்ஸ் பாணியில் கலகலப்பாக உரையாடினர். “வைப்பு வித் எம்.கே.எஸ்” (Vibe with MKS) என்ற ஹேஷ்டேக்குடன் இந்த வீடியோ பகிரப்பட்டு வருகிறது.
சமூக வலைதளங்களில் மிகவும் வேகமாகப் பரவி வரும் இந்த வீடியோவில், முதலமைச்சர் ஸ்டாலின் மிகவும் இயல்பாகவும், புன்னகையுடனும் இசைக் கலைஞர்களுடன் உரையாடுவதைக் காண முடிகிறது. அரசியல் பரபரப்புகளுக்கு மத்தியிலும், கலைஞர்களை நேரில் சந்தித்து அவர்களை உற்சாகப்படுத்தும் முதலமைச்சரின் இந்தச் செயல் நெட்டிசன்களிடையே பெரும் வரவேற்பைப் பெற்றுள்ளது.