நடிகர் விஜய்யின் குடும்ப விவகாரம் மற்றும் அது தொடர்பான சமீபத்திய நிகழ்வுகள் சமூக வலைதளங்களில் பெரும் விவாதப் பொருளாக மாறியுள்ளன. விஜய் மற்றும் அவரது மனைவி சங்கீதா இடையேயான விவாகரத்து தொடர்பான செய்திகள் கடந்த சில வாரங்களாக ஊடகங்களில் பரவலாகப் பேசப்பட்டு வருகின்றன. குறிப்பாக, நீலாங்கரை இல்லத்தில் தமக்கு அனுமதி மறுக்கப்படுவதாகவும், ஜீவனாம்சம் கோரியும் சங்கீதா நீதிமன்றத்தில் மனு தாக்கல் செய்துள்ளதாகக் கூறப்படும் தகவல்கள் அனைவரையும் அதிர்ச்சியில் ஆழ்த்தியுள்ளன.
இந்தக் குழப்பங்களுக்கு மத்தியில், தமிழக வெற்றிக் கழகத்தின் மகளிர் தின விழாவில் விஜய் பேசிய விதம் பல்வேறு விமர்சனங்களை எழுப்பியுள்ளது. தற்போதைய தனிப்பட்ட பிரச்சினைகள் குறித்துப் பேசிய அவர், “அவை அந்த அளவிற்கு ‘Worth’ இல்லை” என்று குறிப்பிட்டிருந்தார். தனது குடும்பப் பிரச்சினையைத் தாண்டி மக்களின் பிரச்சினைகளில் கவனம் செலுத்துமாறு அவர் கேட்டுக்கொண்டதைக் கண்டு, அங்கிருந்த பெண் நிர்வாகிகள் கைதட்டி உற்சாகப்படுத்தியது விவாதத்திற்குரியதாக மாறியுள்ளது.
விஜய்யின் இந்த கருத்துக்கு நடிகை சனம் செட்டி தனது அதிருப்தியை வெளிப்படுத்தியுள்ளார். சமூக வலைதளப் பக்கத்தில் பதிவிட்டுள்ள அவர், “என்னது?? ‘Worth’ ஏ இல்லியா?? இதற்குப் பெண்கள் கைதட்டி உற்சாகம் அடைகின்றனர்” என்று தனது கடும் விரக்தியை வெளிப்படுத்தியுள்ளார். தனிப்பட்ட வாழ்க்கையில் ஒரு பெண்ணின் உரிமைகள் குறித்த விவகாரத்தை இவ்வளவு எளிதாகக் கடந்து செல்ல முடியுமா என்ற கோணத்தில் அவரது விமர்சனங்கள் அமைந்துள்ளன.
பொதுவாழ்க்கையிலும், தனிப்பட்ட வாழ்க்கையிலும் ஒரு முக்கிய புள்ளியாக இருக்கும்போது, இதுபோன்ற சர்ச்சைகள் ஒருவரது பிம்பத்தைப் பாதிக்கக்கூடும். விவாகரத்து விவகாரம் மற்றும் மனைவியின் குற்றச்சாட்டுகள் குறித்த சட்ட ரீதியான நடவடிக்கைகள் ஒருபுறம் இருக்க, விஜய்யின் இந்தப் பேச்சு ரசிகர்களுக்கும் விமர்சகர்களுக்கும் இடையே முரண்பட்ட கருத்துக்களை உருவாக்கியுள்ளது. இந்த விவகாரம் வரும் நாட்களில் எத்தகைய திசையை நோக்கிச் செல்லும் என்பது பெரும் எதிர்பார்ப்பை ஏற்படுத்தியுள்ளது.
NO!
This is not the way ❌Grief of the wife cannot be ignored like this!
As a long time fan its deeply disappointing to watch at this time! @actorvijay @TVKVijayHQ https://t.co/Q9ugqzxlwM— Sanam Shetty (@ungalsanam) March 5, 2026