தமிழ் திரையுலகில் முன்னணி நடிகராக வலம் வரும் ஜெயம் ரவி, கடந்த சில மாதங்களாகவே தனது தனிப்பட்ட வாழ்க்கை தொடர்பான சர்ச்சைகளால் பேசுபொருளாகி வருகிறார். 2024ஆம் ஆண்டில் தனது மனைவி ஆர்த்தியை விட்டு பிரிவதாக அவர் அறிவித்தது ரசிகர்களிடையே பெரும் அதிர்ச்சியை ஏற்படுத்தியது. ஆர்த்தி மற்றும் அவரது குடும்பத்தினர் தரப்பில் இந்த பிரிவை ஏற்க மறுத்து சமரச முயற்சிகள் மேற்கொள்ளப்பட்ட போதிலும், ரவி தனது முடிவில் உறுதியாக இருந்தார். “வீட்டில் தனக்கு உரிய மரியாதை கிடைக்கவில்லை, பணமில்லாமல் வெளியேற்றப்பட்டேன்” என அவர் அடுக்கிய புகார்கள், அந்த சமயத்தில் சமூக வலைதளங்களில் பெரும் பரபரப்பை கிளப்பின.
ஆர்த்தியுடனான பிரிவுக்குப் பிறகு, பாடகி கெனிஷாவுடன் ரவிக்கு நெருக்கம் இருப்பதாக கிசுகிசுக்கள் எழுந்தன. ஆரம்பத்தில் இதனை ரவி மறுத்தாலும், பின்னர் பொது நிகழ்ச்சிகளில் இருவரும் இணைந்து தோன்ற ஆரம்பித்தனர். தற்போது இருவரும் ஒரே வீட்டில் வசிப்பதாகவும், ரவியின் புதிய தயாரிப்பு முயற்சிகளில் கெனிஷா முக்கிய பங்கு வகிப்பதாகவும் கூறப்படுகிறது. ரவியின் குடும்ப உறுப்பினர்களுடனும் கெனிஷா மெல்ல நெருக்கம் காட்டி வருவதாக சினிமா வட்டாரத்தில் தகவல்கள் கசிந்து வருகின்றன.
தனிப்பட்ட வாழ்க்கையில் இத்தனை குழப்பங்களுக்கு மத்தியில், ரவி தற்போது இயக்குநராக தனது புதிய பயணத்தைத் தொடங்கியுள்ளார். நடிகர் யோகி பாபுவை முதன்மை கதாபாத்திரமாகக் கொண்டு அவர் இயக்கும் புதிய படத்தின் பூஜை அண்மையில் இனிதே நடைபெற்றது. பத்து ஆண்டுகளுக்கும் மேலாக ரவிக்கு இருந்த இந்த இயக்குநர் கனவு, இப்போது நனவாகியிருக்கிறது. தனது அபிமான நடிகர் கேமராவுக்கு பின்னால் நின்று கதை சொல்லப் போவதை காண அவரது ரசிகர்கள் மிகுந்த ஆவலுடன் காத்திருக்கின்றனர்.
இந்நிலையில், ரவியின் புதிய முயற்சிக்கு வாழ்த்து தெரிவித்து கெனிஷா வெளியிட்ட வீடியோ மீண்டும் ஒரு விவாதத்தை கிளப்பியுள்ளது. அதில், “ரவி இந்தப் படத்திற்காக நீண்ட காலம் காத்திருந்தார், கடந்த கால வாழ்க்கையில் பல கஷ்டங்களை அனுபவித்தார், சிலரின் தடையால் இத்தனை காலம் இந்த வாய்ப்பு தள்ளிப்போனது” என அவர் குறிப்பிட்டுள்ளார். கெனிஷாவின் இந்த பேச்சு, மறைமுகமாக ஆர்த்தியை சாடுவதாக ரசிகர்கள் கருதுகின்றனர். “வாழ்த்துக்களை மட்டும் சொல்லாமல், எதற்கு கடந்த கால கசப்பான விஷயங்களை இழுக்க வேண்டும்?” என ஆர்த்தியின் ஆதரவாளர்கள் கெனிஷாவின் பதிவிற்கு கீழ் கேள்வி எழுப்பி வருகின்றனர்.
View this post on Instagram