நடிகர் விஜய்யின் தமிழக வெற்றிக் கழகத்திற்கு (தவெக) ஆதரவு அளிப்பதாக இந்திய ஜனநாயக புலிகள் கட்சியின் தலைவர் மன்சூர் அலிகான் அதிரடியாக அறிவித்துள்ளார். 2024 மக்களவைத் தேர்தலில் வேலூர் தொகுதியில் சுயேட்சையாகப் போட்டியிட்ட அவர், தற்போது விஜய்யின் அரசியல் வருகையையும் அவருக்குக் கூடும் மக்கள் கூட்டத்தையும் பாராட்டி, வரும் தேர்தல்களில் தவெக-வுடன் கூட்டணி அமைக்க விருப்பம் தெரிவித்துள்ளார்.
விஜய்யைச் சந்தித்து தனது ஆதரவை உறுதிப்படுத்தத் திட்டமிட்டுள்ள மன்சூர் அலிகான், “விஜய்க்கு வரும் கூட்டத்தை நான் நேரில் பார்க்கிறேன், அவருக்கே எனது ஆதரவு” எனத் திட்டவட்டமாகத் தெரிவித்துள்ள நிலையில், இந்தச் சந்திப்பு தமிழக அரசியல் களத்தில் ஒரு சுவாரசியமான திருப்பமாகப் பார்க்கப்படுகிறது.