துபாயில் அடுக்குமாடி குடியிருப்பில் வசித்து வரும் பிலிப்பைன்ஸ் நாட்டைச் சேர்ந்த பெண் ஒருவர், சமூக வலைதளத்தில் நேரலையில் (Live Stream) பேசிக்கொண்டிருந்தபோது, எதிர்பாராத விதமாக ஈரான் ஏவிய ஏவுகணை ஒன்று அந்த கட்டிடத்தைத் தாக்கியதில் பெரும் சேதம் ஏற்பட்டது. இந்த அதிர்ச்சிகரமான காட்சிகள் தற்போது இணையத்தில் பரவி வருகின்றன. மத்திய கிழக்கில் நிலவி வரும் போர் பதற்றத்தின் ஒரு பகுதியாக, ஈரான் ஏவிய ஏவுகணைகள் துபாயின் பல பகுதிகளைத் தாக்கின. அப்போது, பிலிப்பைன்ஸ் பெண் ஒருவர் தனது அறையில் இருந்தபடி நேரலையில் பேசிக்கொண்டிருந்தார். திடீரென காதைச் செவிடாக்கும் அளவிலான பெரும் சத்தத்துடன் ஏவுகணை அவரது குடியிருப்புப் பகுதியைத் தாக்கியது. இதில் வீட்டின் ஜன்னல்கள் மற்றும் சுவர்கள் நொறுங்கி விழுந்தன.
⚠️ 𝐁𝐫𝐞𝐚𝐤𝐢𝐧𝐠 𝐍𝐞𝐰𝐬 ⚠️
🇮🇷🇦🇪 | DUBAI STRIKE FOOTAGE!
A Filipina woman was live streaming from her apartment in Dubai when it was hit by an Iranian missile, causing massive destruction. pic.twitter.com/L1fcwVmxK6
— Iran Spectator (@IranSpec) March 2, 2026
பயங்கரமான வெடிப்புச் சத்தமும், புகையும் சூழ்ந்த அந்தப் பயங்கரக் காட்சி நேரலையிலேயே பதிவாகி பார்ப்பவர்களை உறையச் செய்துள்ளது. இந்தத் தாக்குதல் காரணமாக அந்தப் பெண் காயமடைந்தாரா என்பது குறித்த தெளிவான தகவல் இன்னும் வெளியாகவில்லை. இருப்பினும், துபாயில் உள்ள பல அடுக்குமாடி குடியிருப்புகள் மற்றும் வணிக வளாகங்கள் இந்த ஏவுகணைத் தாக்குதலில் சேதமடைந்துள்ளன. குறிப்பாக, பாம் ஜுமேரா (Palm Jumeirah) பகுதியில் உள்ள பிரபல ஹோட்டல்களும் பாதிக்கப்பட்டுள்ளன. இந்தப் போர்ச் சூழலில் அங்கு பணியாற்றும் பிலிப்பைன்ஸ் உள்ளிட்ட வெளிநாட்டுத் தொழிலாளர்களின் பாதுகாப்பு கேள்விக்குறியாகியுள்ளது. காயமடைந்தவர்களை மீட்கும் பணியில் துபாய் மீட்புக் குழுவினர் தீவிரமாக ஈடுபட்டு வருகின்றனர்.