சிறுத்தைக்கே இந்த கதியா..? தண்ணீருக்குள் பதுங்கி வந்த ‘நீர் அரக்கன்’… நொடியில் முடிந்த வேட்டை… திக் திக் வீடியோ..!!

காட்டில் சிறுத்தைகள் எவ்வளவு வேகமானவை என்றாலும், தண்ணீருக்குள் முதலைகளின் வியூகத்திற்கு முன்னால் அவை மண்டியிடத்தான் வேண்டும் என்பதை நிரூபிக்கும் ஒரு அதிர்ச்சிகரமான வீடியோ சமூக ஊடகங்களில் காட்டுத்தீயாய் பரவி வருகிறது. பொதுவாக மற்ற விலங்குகளை வேட்டையாடும் சிறுத்தையே, இங்கு ஒரு முதலையிடம் இரையாகும் காட்சி பார்ப்பவர்களைப் பதற வைத்துள்ளது. ஆற்றின் கரையில் மிகவும் எச்சரிக்கையுடன், எந்நேரமும் ஓடத் தயாரான நிலையில் சிறுத்தை தண்ணீர் குடிக்கிறது. ஆனால், “நீருக்கடியில் வாழும் அரக்கன்” என்று அழைக்கப்படும் முதலை, சிறுத்தைக்குச் சிறு சத்தம் கூட கேட்காதவாறு மிக ரகசியமாகப் பதுங்கி வருகிறது.

அடுத்த சில நொடிகளில், தண்ணீருக்குள் இருந்து மின்னல் வேகத்தில் பாய்ந்த முதலை, சிறுத்தையை நிலைகுலையச் செய்து அதன் தாடைகளால் கவ்விப் பிடிக்கிறது. காட்டின் அபாயகரமான வேட்டையாடி எனப் பெயரெடுத்த சிறுத்தை, முதலையின் அசுர பலத்திற்கு முன்னால் எவ்வித எதிர்ப்பும் காட்ட முடியாமல் தண்ணீருக்குள் இழுத்துச் செல்லப்படுகிறது. இயற்கையின் கொடூரமான உணவுச் சங்கிலியையும், முதலைகளின் அபாரமான வேட்டையாடும் திறனையும் இந்த வீடியோ தத்ரூபமாகப் படம் பிடித்துக் காட்டியுள்ளது.