தமிழ் சினிமாவில் எம்ஜிஆர் மதுபானம் குடிப்பது போலவோ அல்லது சிகரெட் புகைப்பது போலவே தனது படங்களில் நடிக்க மாட்டார். அதுபோன்ற காட்சிகளில் நடித்தால் தனது ரசிகர்களும் அந்த கெட்ட பழக்கங்களை பழகி விடுவார்கள் என்பதால் அதை எம்ஜிஆர் மிக கவனமாக தவிர்த்தார். அதே வழியில் நடிகர் ராமராஜனும் தனது படங்களில் மது குடிப்பது போல் சிகரெட் புகைப்பது போல நடிப்பது இல்லை.
இப்போது அந்த நடிகர்கள் வரிசையில் நடிகர் லெஜண்ட் சரவணனும் இணைந்துள்ளார். சமீபத்தில் லீடர் பட விழாவில் பேசிய அவர் கூறுகையில், நான் என்னுடைய வாழ்க்கையில் சிகரெட் பிடிக்கிற மாதிரியோ தண்ணி அடிக்கிற மாதிரியோ நடிக்கவே மாட்டேன். நிஜ வாழ்க்கையில் கூட இதுவரை சிகரெட் தண்ணியை தொட்டது கிடையாது. அதேபோல் படத்துலேயும் அதை நான் பண்ணவே மாட்டேன் என்று நடிகர் லெஜண்ட் சரவணன் கூறியிருக்கிறார்.