தேமுதிக நிறுவனர் விஜயகாந்தின் மரணம் குறித்து சமூக வலைதளங்களில் அவதூறான கருத்துக்களைப் பதிவிட்டதாக, அக்கட்சியின் சார்பில் தமிழ்நாடு டிஜிபி அலுவலகத்தில் இன்று (பிப். 06, 2026) புகார் அளிக்கப்பட்டுள்ளது. குறிப்பாக, பிரபல யூடியூபர்களான சவுக்கு சங்கர், திருச்சி சூர்யா மற்றும் தமிழா தமிழா பாண்டியன் ஆகியோர் மீது உடனடி நடவடிக்கை எடுக்க வேண்டும் என அந்தப் புகாரில் வலியுறுத்தப்பட்டுள்ளது.
தேமுதிக பொதுச்செயலாளர் பிரேமலதா விஜயகாந்தின் நற்பெயருக்குக் களங்கம் விளைவிக்கவும், கட்சியின் வளர்ச்சியைத் தடுக்கவும் திட்டமிட்டு இத்தகைய பொய்ப் பிரச்சாரங்கள் செய்யப்படுவதாகத் தேமுதிக குற்றம் சாட்டியுள்ளது. வரவிருக்கும் 2026 சட்டமன்றத் தேர்தலை முன்னிட்டு, மறைந்த தலைவர் மற்றும் தற்போதைய தலைமை குறித்து அவதூறு வீடியோக்களைப் பதிவிட்டு வரும் நபர்கள் மீது சட்டப்படி கடும் நடவடிக்கை எடுக்க வேண்டும் என அக்கட்சியினர் டிஜிபியிடம் கோரிக்கை விடுத்துள்ளனர்.