அதிமுகவில் உட்கட்சிப் பூசல் உச்சகட்டத்தை எட்டியுள்ள நிலையில், ஓபிஎஸ் அணியைச் சேர்ந்த முக்கிய நிர்வாகிகள் அடுத்தடுத்து எடப்பாடி பழனிசாமி (EPS) தலைமையிலான தாய்க்கட்சியில் இணைந்து வருவது அரசியல் வட்டாரத்தில் பரபரப்பை ஏற்படுத்தியுள்ளது. குறிப்பாக, திருச்சி மண்டல முன்னாள் ஐடி விங் செயலாளர் வினுபாலன், இபிஎஸ் முன்னிலையில் மீண்டும் அதிமுகவில் இணைந்துள்ளார். முன்னதாக ஓபிஎஸ் அணியில் இருந்த அவர், அங்கிருந்து நீக்கப்பட்ட பிறகு தற்போது மீண்டும் அதிமுகவில் தன்னை இணைத்துக்கொண்டுள்ளார்.
அதேபோல், ராமநாதபுரம் மாவட்டத்தைச் சேர்ந்த ஓபிஎஸ் அணியின் ஐடி விங் மற்றும் மகளிர் அணி நிர்வாகிகளும் எடப்பாடி பழனிசாமி முன்னிலையில் அதிமுகவில் இணைந்துள்ளது ஓபிஎஸ் தரப்பிற்குப் பெரும் பின்னடைவாகக் கருதப்படுகிறது. தேர்தல் நெருங்கி வரும் வேளையில், ஓபிஎஸ்ஸின் கோட்டையாகக் கருதப்படும் பகுதிகளிலிருந்தே நிர்வாகிகள் வெளியேறுவது அவரது ஆதரவாளர்களிடையே அதிர்ச்சியை ஏற்படுத்தியுள்ளது.