தமிழ் சினிமாவில் கடந்த ஆண்டில் வெளியாகி பெரிய வெற்றியை பெற்ற படம் டூரிஸ்ட் ஃபேமிலி. இந்த படத்தின் மூலம் இயக்குனராக அறிமுகமானவர் அபிஷன் ஜீவிந்த். இவர் தற்போது வித் லவ் என்னும் படத்தில் கதாநாயகனாக நடித்திருக்கிறார். இந்த படம் வருகிற 6ம் தேதி வித் லவ் ரிலீஸாக உள்ளது. இந்நிலையில் நேர்காணல் ஒன்றில் பேசிய இயக்குனர் அபிஷன் ஜீவிந்த் தனது அடுத்த படங்கள் குறித்து பேசியிருக்கிறார்.
அதில் அபிஷன் ஜீவிந்த் கூறியதாவது, சூர்யா சார் நானி சார் இருவரையும் நான் சந்தித்தது உண்மைதான். ஆனால் அவர்களுக்கான கதை என்னிடம் இல்லை. என்னுடைய அடுத்த படம் பெரிய பட்ஜெட்டில் ஆக்சன் எமோஷனல் காமெடி படமாக உருவாகிறது. எனது 3வது படத்தை ஒரு பிரமாண்டமான சயின்ஸ் பிக்சன் படமாக இயக்கத் திட்டமிட்டுள்ளேன் என்று அபிஷன் ஜீவிந்த் கூறியிருக்கிறார்.