தேர்தல் களம் சூடுபிடித்துள்ள நிலையில், தேமுதிகவின் கூட்டணி நிலைப்பாடு குறித்து அக்கட்சியின் பொதுச்செயலாளர் பிரேமலதா விஜயகாந்த் முக்கிய கருத்துக்களைப் பகிர்ந்துள்ளார். திருச்செந்தூர் சுப்பிரமணிய சுவாமி கோவிலில் சாமி தரிசனம் செய்த பின் செய்தியாளர்களிடம் பேசிய அவர், உரிய நேரத்தில் கூட்டணி குறித்த அதிகாரப்பூர்வ அறிவிப்பு வெளியாகும் என்று தெரிவித்தார். மேலும், “முருகன் அருளால் தாங்கள் இணையும் கூட்டணி வரவிருக்கும் தேர்தலில் மகத்தான வெற்றி பெறும்” என்று மிகுந்த நம்பிக்கையுடன் கூறினார்.
கூட்டணி முடிவெடுப்பதில் கட்சி நிர்வாகிகளின் விருப்பத்திற்கு முன்னுரிமை அளிக்கப்படும் என்றும், தொண்டர்களின் மனநிலையை அறிந்து அதற்கேற்ப ஒரு நல்ல முடிவை எடுக்கப்போவதாகவும் அவர் விளக்கமளித்தார். தமிழக அரசியலில் தற்போது ராமதாஸ், பிரேமலதா மற்றும் கிருஷ்ணசாமி ஆகியோர் இன்னும் இறுதி முடிவை அறிவிக்காமல் மௌனம் காத்து வருவது அரசியல் வட்டாரங்களில் பெரும் எதிர்பார்ப்பை ஏற்படுத்தியுள்ளது. இவர்களின் முடிவு தமிழகத்தின் தேர்தல் முடிவுகளில் முக்கிய மாற்றத்தை ஏற்படுத்தும் என எதிர்பார்க்கப்படுகிறது.