தமிழக பாஜக தேர்தல் பொறுப்பாளர் பியூஷ் கோயலை சென்னையில் இன்று தமிழக மக்கள் முன்னேற்றக் கழகத்தின் (தமமுக) தலைவர் ஜான் பாண்டியன் சந்தித்துப் பேசினார். கடந்த சில நாட்களாக ஜான் பாண்டியன் அணி மாறக்கூடும் என்ற யூகங்கள் நிலவி வந்த நிலையில், இந்தச் சந்திப்பின் மூலம் அவர் அதிகாரப்பூர்வமாகத் தேசிய ஜனநாயகக் கூட்டணியில் நீடிப்பதை உறுதி செய்துள்ளார்.
இந்த ஆலோசனையின் போது தொகுதிப் பங்கீடு குறித்தும் விவாதிக்கப்பட்டதாகத் தெரிகிறது. குறிப்பாக, தென் மாவட்டங்களில் தமமுகவிற்குச் செல்வாக்கு அதிகம் இருப்பதால், அங்குள்ள ஒரு தொகுதியை ஜான் பாண்டியனுக்கு ஒதுக்க பாஜக தலைமை முன்வந்துள்ளதாகக் கூறப்படுகிறது.
கடைசி நேரத்தில் கூட்டணி கணக்குகள் மாறலாம்” என ஜான் பாண்டியன் சமீபத்தில் கூறியிருந்தது அதிமுக மற்றும் திமுக வட்டாரத்தில் எதிர்பார்ப்பை ஏற்படுத்தியிருந்தது. ஆனால், தற்போது பியூஷ் கோயலைச் சந்தித்ததன் மூலம், அவர் பாஜக தலைமையிலான கூட்டணியிலேயே பயணிக்கப்போவது உறுதியாகியுள்ளது.