அமெரிக்காவின் இலினாய்ஸ் பல்கலைக்கழக விஞ்ஞானிகள், தாவரங்கள் சுவாசிக்கும் அரிய நிகழ்வை உலகிலேயே முதன்முறையாக வீடியோவாகப் பதிவு செய்து சாதனை படைத்துள்ளனர். தாவரங்களின் இலைகளில் உள்ள ‘ஸ்டோமாட்டா’ (Stomata) எனப்படும் நுண்துளைகள் வழியாக அவை சுவாசிக்கின்றன என்பது நாம் அறிந்ததே. இதுவரை நேரில் கண்டிராத இந்த நிகழ்வை, சுமார் 5 ஆண்டுகால தீவிர உழைப்பிற்குப் பிறகு அதிநவீன தொழில்நுட்பத்தின் உதவியுடன் தற்போது விஞ்ஞானிகள் காட்சிப்படுத்தியுள்ளனர்.
இந்த மைல்கல் சாதனையை நிகழ்த்த ‘ஸ்டோமாட்டா இன்-சைட்’ (Stomata In-Sight) என்ற புதிய கருவி பயன்படுத்தப்பட்டுள்ளது. இது அதிநவீன ‘கான்ஃபோகல் மைக்ரோஸ்கோப்’ மற்றும் ‘மெஷின் லேர்னிங்’ மென்பொருள் ஆகியவற்றின் ஒருங்கிணைப்பில் உருவாக்கப்பட்டது. தாவரங்கள் ஒளிச்சேர்க்கைக்காகக் கார்பன் டை ஆக்சைடை உள்வாங்கும் போதும், நீராவிப்போக்கு மூலம் நீரை வெளியேற்றும் போதும், இந்த நுண்துளைகள் எவ்வாறு மிகத் துல்லியமாகத் திறந்து மூடுகின்றன என்பதை இந்த வீடியோ தெளிவுபடுத்துகிறது. தாவரவியல் துறையில் இது ஒரு புரட்சிகரமான கண்டுபிடிப்பாகக் கருதப்படுகிறது.
For the first time, we’re watching plants breathe in real time.
Plants “breathe” through minuscule openings on their leaves known as stomata—a term derived from the Greek word for “mouths.” These tiny pores perform a critical balancing act: they open to allow carbon dioxide… pic.twitter.com/YPjIw1mNm5
— Massimo (@Rainmaker1973) January 13, 2026