ஹூண்டாய் நிறுவனத்தின் புகழ்பெற்ற கிரெட்டா எலக்ட்ரிக் காரை வாங்க விரும்புவோருக்கு ஒரு நற்செய்தி வெளியாகியுள்ளது. 2025-ஆம் ஆண்டு மாடல் கார்களுக்கு டீலர்ஷிப் மட்டத்தில் தற்போது 75,000 ரூபாய் முதல் 1.25 லட்சம் ரூபாய் வரை அதிரடி தள்ளுபடி அறிவிக்கப்பட்டுள்ளது. இந்த எலக்ட்ரிக் எஸ்யூவி கார், ஒருமுறை முழுமையாக சார்ஜ் செய்தால் சுமார் 473 கிலோமீட்டர் தூரம் வரை செல்லும் திறன் கொண்டது. மொத்தம் ஆறு விதமான மாடல்களில் கிடைக்கும் இந்தக் காரின் விலை, சந்தையில் 18.02 லட்சம் ரூபாயிலிருந்து தொடங்குகிறது.
பாதுகாப்பு வசதிகளுக்காக 6 ஏர்பேக்குகள் மற்றும் லெவல்-2 ADAS தொழில்நுட்பம் இதில் இடம்பெற்றுள்ளன. அதிவேக சார்ஜிங் வசதி மூலம் வெறும் 58 நிமிடங்களில் 80 சதவீத சார்ஜை எட்டிவிடலாம். மேலும், 360 டிகிரி கேமரா, போஸ் ஸ்பீக்கர்கள் மற்றும் இரட்டைத் திரை வசதிகள் என நவீன அம்சங்களுடன் இந்தக் கார் வடிவமைக்கப்பட்டுள்ளது. தள்ளுபடி விவரங்கள் ஊருக்கு ஊர் மாறுபடும் என்பதால், வாடிக்கையாளர்கள் தங்களுக்கு அருகிலுள்ள விற்பனை மையங்களை அணுகி சரியான விபரங்களைப் பெற்றுக் கொள்ளலாம் எனத் தெரிவிக்கப்பட்டுள்ளது.