இன்றைய காலத்தில் நாய், பூனை போன்ற செல்லப்பிராணிகளுக்கு ஆடை அணிவித்து அழகு பார்ப்பது சாதாரணமாகிவிட்டது. குறிப்பாகக் குளிர் காலங்களில் அவற்றின் உடல்நிலையைக் கருத்தில் கொண்டு பிரத்யேகமான கம்பளி ஆடைகளை உரிமையாளர்கள் அணிவிப்பார்கள். ஆனால், தற்போது சமூக வலைதளங்களில் வைரலாகி வரும் ஒரு வீடியோவில், யாரும் எதிர்பாராத விதமாக ஒரு சிறிய பல்லிக்கு ஸ்வெட்டர் அணிவிக்கப்படும் விசித்திரக் காட்சி வெளியாகி அனைவரையும் ஆச்சரியத்தில் ஆழ்த்தியுள்ளது.
View this post on Instagram
அந்த வீடியோவில், ஒரு நபர் தனது செல்லப் பல்லிக்காகத் தானே கையால் தைத்த மிகச்சிறிய கம்பளி ஸ்வெட்டரைக் காட்டுகிறார். பின்னர், அந்தப் பல்லிக்கு மிகவும் லாவகமாக ஸ்வெட்டரை அணிவித்தவுடன், அது எந்தவித அசௌகரியமும் இன்றி சுவரில் வேகமாக ஏறிச் செல்கிறது. பல்லியின் உடலமைப்பிற்கு ஏற்ப மிகச் சரியாகப் பொருந்தும் அந்த ஆடையையும், அதை அணிந்துகொண்டு அந்தப் பல்லி சாதாரணமாக உலா வருவதையும் கண்ட இணையவாசிகள் வியப்பில் ஆழ்ந்துள்ளனர்.