தமிழகத்தில் 2026 ஆம் ஆண்டு சட்டமன்றத் தேர்தலை எதிர்கொள்ள பாஜக அதிமுகவுடன் கூட்டணி அமைத்துள்ளது. இந்த முறை எப்படியாவது ஆட்சியைப் பிடிக்க வேண்டும் என அதிமுக பல வியூகங்களை வகுத்து வரும் நிலையில் மீண்டும் அதிமுக ஒன்றிணைய வேண்டும் என பலரும் குரல் எழுப்பி வருகிறார்கள். அதன்படி NDA கூட்டணியில் இபிஎஸ் முதல்வர் வேட்பாளராக இருக்கும் வரை கூட்டணியில் இணைய மாட்டோம் என டிடிவி தினகரன் மற்றும் ஓபிஎஸ் ஆகியோர் கூறி வருகிறார்கள் . தற்போது அவர்கள் இருவருமே பாஜகவுடன் தொடர்ந்து நெருக்கம் காட்டி வரும் நிலையில் கூட்டணி குறித்து அறிவிப்பு இதுவரை வெளியிடப்படாமல் உள்ளனர்.
அதேசமயம் சமீபகாலமாக விஜய்க்கு ஆதரவாக கருத்து தெரிவித்து வரும் டிடிவி தினகரன் தமிழக வெற்றிக்கழகம் கட்சியில் இணைய உள்ளதாகவும் ஒரு தகவல் இணையத்தில் உலா வந்து கொண்டிருக்கிறது. இப்படியான நிலையில் தஞ்சையில் அமமுக செயற்குழு மற்றும் பொதுக்குழு கூட்டம் இன்று நடைபெறுகின்றது. NDA கூட்டணியில் இருந்து வெளியேறிய டிடிவி தினகரனை மீண்டும் இணைக்க பாஜக முயற்சி மேற்கொண்டு வருகிறது. அதே நேரம் டிடிவி தினகரன் தமிழக வெற்றி கழகம் கட்சியுடன் கூட்டணி பேச்சை தொடங்கியுள்ளதாக கூறப்பட்டது. ஆனால் அவர் இதுவரை அதிகாரப்பூர்வ கூட்டணி முடிவை அறிவிக்கவில்லை. இன்று நடைபெறும் பொது குழுவில் கூட்டணி குறித்த முக்கிய முடிவு எடுக்க உள்ளதாக தகவல் வெளியாகி உள்ளது.