தமிழகத்தில் பொங்கல் பண்டிகையை மக்கள் அனைவரும் மகிழ்ச்சியாக கொண்டாடுவதற்கு அரசு சார்பில் ஒவ்வொரு வருடமும் தவறாமல் பொங்கல் பரிசு வழங்கப்பட்டு வரும் நிலையில் 2026 ஆம் ஆண்டுக்கான பொங்கல் பரிசு குறித்து அறிவிப்பு சமீபத்தில் வெளியானது. ஆனால் சட்டமன்றத் தேர்தலை முன்னிட்டு ரொக்க பணமும் வழங்கப்படும் என மக்கள் எதிர்பார்த்து காத்திருந்த நிலையில் ஏமாற்றம்தான் மிஞ்சியது. பொங்கல் பரிசு மட்டுமே அறிவிக்கப்பட்ட நிலையில் ரொக்கப்பணம் குறித்து அறிவிப்பு எதுவும் வெளியிடப்படவில்லை.
இதனிடையே பொங்கல் பரிசு தொகுப்புடன் எவ்வளவு பணம் வழங்குவது என்பது குறித்து அமைச்சர்கள் மற்றும் அதிகாரிகளுடன் முதல்வர் ஸ்டாலின் ஆலோசனை நடத்தினார். இதன் முடிவில் 3000 ரூபாய் பணம் வழங்குவது என்று முடிவு செய்யப்பட்டுள்ளது. அதற்கான முறையான அறிவிப்பை முதல்வர் ஸ்டாலின் இன்று அறிவிப்பதாக தகவல் வெளியாகியுள்ளது. பொங்கல் பரிசு தொகுப்புடன் 3000 ரூபாய் பணம் வழங்கும் திட்டத்தை ஸ்டாலின் வருகின்ற ஜனவரி எட்டாம் தேதி தொடங்கி வைப்பார் எனவும் கூறப்படுகிறது.