அதிகப்படியான தேநீர் அருந்துவது உடலில் பல்வேறு நீண்டகால உபாதைகளை ஏற்படுத்தும் என்பதால், ஒரு மாதம் டீ குடிப்பதை நிறுத்துவதன் மூலம் வியக்கத்தக்க மாற்றங்களை அடையலாம் என நிபுணர்கள் கூறுகின்றனர். ஆரம்பக் கட்டத்தில் தலைவலி மற்றும் சோர்வு போன்ற அறிகுறிகள் தென்பட்டாலும், இரண்டு வாரங்களுக்குப் பிறகு உடலின் ஆற்றல் அதிகரித்து தூக்கம் மேம்படத் தொடங்கும். தேநீரில் உள்ள வேதிப்பொருட்கள் தவிர்க்கப்படுவதால், வயிறு உப்புசம், நெஞ்செரிச்சல் மற்றும் அசிடிட்டி போன்ற செரிமானக் கோளாறுகள் படிப்படியாகக் குறையும்.
நான்கு வார முடிவில் உடலில் நீர்ச்சத்து அதிகரித்து சருமம் பொலிவு பெறுவதுடன், தேவையற்ற நச்சுக்கள் வெளியேறி உடல் புத்துணர்ச்சி பெறும். கஃபைன் அளவு குறைவதால் மன அழுத்தம் மற்றும் பதற்றம் நீங்கி மனம் மகிழ்ச்சியாக இருக்கவும், ஆழமான உறக்கத்தைப் பெறவும் இது வழிவகுக்கிறது. டீ குடிக்க வேண்டும் எனத் தோன்றும் போது பால் மற்றும் சர்க்கரைக்கு மாற்றாக மூலிகை தேநீர் அல்லது பழச்சாறுகளை அருந்துவதன் மூலம் ஆரோக்கியமான வாழ்வை உறுதிப்படுத்தலாம்.