விஜய் டிவி புகழின் தந்தை மறைவு குறித்த செய்தி இன்று (டிசம்பர் 31, 2025) பெரும் சோகத்தை ஏற்படுத்தியுள்ளது. குக் வித் கோமாளி மற்றும் கலக்கப்போவது யாரு போன்ற நிகழ்ச்சிகள் மூலம் மக்கள் மனதில் நீங்கா இடம் பிடித்த புகழ், தனது தந்தையின் உயிரிழப்பை மிகுந்த வேதனையுடன் சமூக வலைதளத்தில் பகிர்ந்துள்ளார். “அப்பா என்கிட்ட சொல்லாம எங்கேயும் போக மாட்டீயே.. தெய்வமே இப்படி சொல்லாம போயிட்டீயே” என அவர் பதிவிட்டுள்ள உருக்கமான வரிகள் ரசிகர்களிடையே பெரும் சோகத்தை ஏற்படுத்தியுள்ளது.
சின்னத்திரையில் இருந்து வெள்ளித்திரைக்கு முன்னேறி தற்போது பல திரைப்படங்களில் நடித்து வரும் புகழுக்கு, இந்த இழப்பு ஈடு செய்ய முடியாத ஒன்றாக அமைந்துள்ளது. கடின உழைப்பால் உயர்ந்து வரும் இவருக்கு ஆதரவாக இருந்த தந்தையின் மறைவுக்கு, திரைத்துறையினரும், விஜய் டிவி நட்சத்திரங்களும், ரசிகர்களும் தங்களது ஆழ்ந்த இரங்கலைத் தெரிவித்து வருகின்றனர். அவருக்கு ஆறுதல் கூறும் விதமாகப் பலரும் சமூக வலைதளங்களில் பதிவிட்டு வருகின்றனர்.