பாதுகாப்பான முதலீட்டை விரும்புவோருக்கு தபால் நிலையத்தின் கால வைப்பு நிதி (Time Deposit) திட்டம் ஒரு வரப்பிரசாதமாகும். மத்திய அரசின் முழு உத்தரவாதத்துடன் செயல்படும் இத்திட்டத்தில் ஒருவர் 1, 2, 3 அல்லது 5 ஆண்டுகள் எனத் தனது விருப்பப்படி பணத்தைச் சேமிக்கலாம்.
தற்போது 5 ஆண்டுகால முதலீட்டிற்கு அதிகபட்சமாக 7.5 சதவீத வட்டி வழங்கப்படுகிறது. இதில் குறைந்தபட்சம் 1,000 ரூபாயிலிருந்து எவ்வளவு வேண்டுமானாலும் முதலீடு செய்யலாம். குறிப்பாக, 5 ஆண்டுகாலத் திட்டத்தைத் தேர்வு செய்பவர்களுக்கு வருமான வரிச் சட்டத்தின் 80C பிரிவின் கீழ் வரி விலக்குச் சலுகையும் கிடைக்கிறது.
இத்திட்டத்தின் மூலம் சிறிய தொகையை முதலீடு செய்தாலும் முதிர்வு காலத்தில் பெரிய லாபத்தைப் பெற முடியும். உதாரணமாக, ஒருவர் 4.5 லட்சம் ரூபாயை 5 ஆண்டுகளுக்கு டெபாசிட் செய்தால், வட்டியாக மட்டுமே அவருக்கு சுமார் 2.01 லட்சம் ரூபாய் கிடைக்கும்; மொத்தமாக 6.51 லட்சம் ரூபாய் கைக்கு வரும்.
அதேபோல் 2.5 லட்சம் முதலீடு செய்பவர்களுக்கு வட்டியுடன் சேர்த்து சுமார் 3.62 லட்சம் ரூபாய் வரை முதிர்வுத் தொகை கிடைக்க வாய்ப்புள்ளது. சந்தை அபாயங்கள் இல்லாத நிலையான வருமானம் மற்றும் காலாண்டுக்கு ஒருமுறை கணக்கிடப்படும் கவர்ச்சிகரமான வட்டி விகிதம் இத்திட்டத்தின் சிறப்பம்சமாகும்.