மலேசியாவில் உள்ள புக்கிட் ஜலீல் தேசிய மைதானத்தில் விஜய் நடித்து ரிலீசுக்கு தயாராக உள்ள ஜனநாயகன் திரைப்படத்தின் இசை வெளியீட்டு விழாவும் விஜய் கலந்து கொள்ளும் இறுதி சினிமா விழாவான தளபதி திருவிழாவும் ஒன்றாக நடைபெற்றது. இந்த நிகழ்ச்சியை விழா ஏற்பாட்டாளர்கள் நேரலை செய்யவில்லை. மாறாக ஆங்கில புத்தாண்டு அல்லது ஜனவரி 3ஆம் தேதி அன்று மாலை ஜீ டிவியில் இந்த இசை வெளியீட்டு நிகழ்ச்சியை ஒளிபரப்பப்பட உள்ளது. விழா நிகழ்ச்சிகளை நடிகை ரம்யா சுப்பிரமணியன் மற்றும் ஆர் ஜே விஜய் ஆகியோர் தொகுத்து வழங்கினர். விழாவிற்கு வருகை தந்த விஜய் வழக்கம் போல தனது பாணியில் மேடையில் ரேம்ப் வாக் வந்தார்.
அப்போது விஜயை பார்த்து TVK TVK என்று ரசிகர்கள் கோஷம் எழுப்பினர். இதனைப் பார்த்த விஜய் இந்த இடத்துல இது வேண்டாம் பா என்று ரசிகர்களுக்கு அன்பு கட்டளையிட்டார். பிறகு மேடை ஏறி பேசிய விஜய், எனக்கு ஒரு விஷயம் முக்கியம். மக்கள் எனக்காக தியேட்டருக்கு வந்து நிற்கிறார்கள். அவர்களுக்காக அடுத்த 30 ஆண்டுகளுக்கு நான் நிற்க தயாராக இருக்கிறேன். எனக்கு ஒன்னுனா ரசிகர்கள் தியேட்டரில் இருக்கிறார்கள். நாளை அவங்களுக்கு ஒன்று என்றால் அவங்க வீட்டில் போய் நிற்க முடிவு செய்துள்ளேன்.
எனக்காக எல்லாவற்றையும் விட்டுக் கொடுத்த என் ரசிகர்களுக்காக நான் சினிமாவையே விட்டுக் கொடுக்கின்றேன். இந்த விஜய் ரசிகர்களுக்காகவே நான் சினிமாவில் இருந்து விலகுகிறேன். இந்த விஜய் சும்மா நன்றி என்று சொல்லிவிட்டு போறவன் கிடையாது, நன்றி கடன் தீர்த்து விட்டு தான் போவேன். என் ரசிகர்கள் எனக்கு ஆரம்பத்தில் இருந்தே ஆதரவாக நின்று 33 ஆண்டுகளாக என்னை ஆதரித்து வருகிறார்கள். அதனால்தான் நான் அவர்களுக்காக நிற்பேன். இந்த விஜய் தனது நன்றி கடனை அடைப்பார் என்று மேடையில் விஜய் புணர்ச்சி பொங்க பேசினார். விஜய் சினிமாவை விட்டு விலகுவதாக மேடையிலேயே அதிகாரப்பூர்வமாக அறிவித்துள்ளது ரசிகர்களை அதிர்ச்சியில் ஆழ்த்தியுள்ளது.