நடிகர் விஜய் மகன் ஜேசன் சஞ்சய் தமிழ் சினிமாவில் இயக்குனராக சிக்மா என்ற படத்தில் அறிமுகமாகிறார். தனது முதல் படம் குறித்து இயக்குனர் ஜேசன் சஞ்சய் கூறியதாவது, லைகா போன்ற ஒரு மதிப்புமிக்க தயாரிப்பு நிறுவனத்தில் இயக்குனராக அறிமுகமாவதை பாக்கியமாக கருதுகிறேன். கதைக்கு என்ன தேவையோ அதை தயாரிப்பாளர்களாக எந்தவிதமான தயக்கமும் இல்லாமல் செய்து கொடுத்து படப்பிடிப்புக்கு முழு ஒத்துழைப்பு தந்தனர்.
என்னுடைய கிரியேட்டிவ் பிராசஸில் முழு நம்பிக்கை வைத்து எந்த குறுக்கீடும் அவர்கள் செய்யாததால் படப்பிடிப்பை திட்டமிட்ட 80 நாட்கள் ஷெட்யூலுக்கு முன்பாக சீக்கிரமாகவே முடித்து விட்டோம். நடிகர்கள் மற்றும் படக்குழுவினரின் அற்புதமான முயற்சிக்கும் ஒத்துழைப்புக்கும் நன்றி. சிக்மா படம் நல்லபடியாக நிறைவடைய ஆதரவு கொடுத்த அனைவருக்கும் நன்றி என்று ஜேசன் சஞ்சய் கூறியிருக்கிறார்.