தமிழ் சினிமாவில் சிறந்த அடையாளத்தை பெற்றவர் இயக்குனர் கே பாக்யராஜ். இந்திய சினிமாவில் சிறந்த திரைக்கதை ஆசிரியர் என்ற பெருமைக்கு உரியவர். இயக்குனர் இமயம் பாரதிராஜாவிடம் உதவி இயக்குனராக இருந்தவர். தமிழ் சினிமாவில் மிகப்பெரிய ஒரு திரை ஆளுமையாக அவர் இருக்கிறார் என்பதும் குறிப்பிடத்தக்கது.
வருகிற ஜனவரி 7ம் தேதி நடிகர் மற்றும் இயக்குனர் கே பாக்யராஜ் தனது 72வது பிறந்தநாளைக் கொண்டாடுகிறார். மேலும் அவர் தமிழ் சினிமாவில் 50 ஆண்டுகளையும் நிறைவு செய்கிறார். அவரது பிறந்தநாள் விழா மற்றும் 50ம் ஆண்டு பொன்விழா இந்த இரண்டையும் கொண்டாடும் விதமாக வரும் ஜனவரி 7ம் தேதி சென்னை கலைவாணர் அரங்கில் அவருக்கு பாராட்டு விழா நடத்தப்படுகிறது.
இந்த விழாவில் சிறப்பு விருந்தினராக நடிகர் ரஜினிகாந்த் கலந்துக் கொள்கிறார். நடிகர் ரஜினிகாந்துடன் கே பாக்யராஜ் அன்புள்ள ரஜினிகாந்த், நான் சிவப்பு மனிதன் போன்ற சில படங்களில் நடித்திருக்கிறார். இந்த விழாவில் தமிழ் சினிமா நடிகர்கள் நடிகைகள் மட்டுமின்றி இந்தி பட உலகைச் சேர்ந்த அனில்கபூர் உள்ளிட்ட சில பிரபலங்களும் கலந்து கொள்வதாக தகவல் வெளியாகி உள்ளது.