தமிழக வெற்றிக் கழகத்துடன் (தவெக) காங்கிரஸ் கட்சி ரகசியப் பேச்சுவார்த்தையில் ஈடுபட்டு வருவதாக ஏற்கனவே யூகங்கள் கிளம்பிய நிலையில், தற்போது வெளியாகி இருக்கும் ஒரு புதிய தகவல் அரசியல் அரங்கில் அனலைக் கூட்டியுள்ளது. தேர்தல் பணிகள் தொடர்பாக சென்னை வந்திருந்த காங்கிரஸ் பொதுச்செயலாளர் கே.சி. வேணுகோபால், தவெக தலைவர் விஜய்யைத் தொலைபேசியில் தொடர்பு கொண்டு பேசியதாகத் தகவல் வெளியாகியுள்ளது.
முன்னதாக, அவர் விஜய்யை நேரடியாகச் சந்திக்கத் திட்டமிட்டிருந்ததாகவும், ஆனால் கடைசி நேரத்தில் அந்தத் திட்டம் மாற்றப்பட்டு தவெக-வின் முக்கிய நிர்வாகிகளை மட்டும் அவர் சந்தித்ததாகவும் கூறப்படுகிறது. ஏற்கனவே கூட்டணி குறித்த விவாதங்கள் புகைந்து கொண்டிருக்கும் வேளையில், இந்தத் திடீர் நகர்வுகள் தமிழக அரசியல் கூட்டணிக் கணக்குகளில் பெரிய மாற்றத்தை ஏற்படுத்துமா என்ற கேள்வி எழுந்துள்ளது.