தமிழக வெற்றிக் கழகத்தின் முக்கிய நிர்வாகியும், நடிகருமான தாடி பாலாஜி அக்கட்சியிலிருந்து விலகி, ஜோஸ் சார்லஸ் மார்டினின் கட்சியில் இணைந்தது அரசியல் வட்டாரத்தில் சலசலப்பை ஏற்படுத்தியுள்ளது. தனது விலகல் குறித்துக் கருத்துத் தெரிவித்துள்ள தாடி பாலாஜி, தவெகவில் உள்ள இரண்டாம் கட்டத் தலைவர்கள் மீது அடுக்கடுக்கான குற்றச்சாட்டுகளை முன்வைத்துள்ளார்.
தவெக நிர்வாகிகள் தன்னைத் தலைவர் விஜய்க்கு அருகில் கூட நெருங்க விடவில்லை என்றும், விஜய்யைச் சந்திக்க விடாமல் தடுத்ததே தனது விலகலுக்கு முக்கியக் காரணம் என்றும் அவர் கூறியுள்ளார். தனக்குத் தலைவரைச் சந்திக்கும் வாய்ப்பு கிடைத்திருந்தால், கட்சியில் நடக்கும் அனைத்துப் பிரச்சனைகளையும் அவரிடம் நேரடியாகச் சொல்லியிருப்பேன் என ஆதங்கத்துடன் தெரிவித்துள்ளார்.
விஜய்யின் தீவிர ரசிகராக அறியப்பட்ட தாடி பாலாஜி, கட்சியின் உள்விவகாரங்கள் மற்றும் நிர்வாகிகளின் செயல்பாடுகள் மீது அதிருப்தி அடைந்து வெளியேறியிருப்பது தவெக தொண்டர்களிடையே விவாதத்தை ஏற்படுத்தியுள்ளது.