முன்னாள் மத்திய அமைச்சரும், காங்கிரஸ் மூத்த தலைவருமான சிவராஜ் பாட்டீல்(90) வயது மூப்பு காரணமாக காலமானார். இவர் மகாராஷ்டிராவைச் சேர்ந்தவர். 7 முறை மக்களவை (MP) உறுப்பினராகவும், 2 முறை சட்டமன்ற (MLA) உறுப்பினராகவும் பணியாற்றியுள்ளார். 1991 முதல் 1996 வரை மக்களவை சபாநாயகராக (Speaker) பதவி வகித்துள்ளார். 2004 ஆம் ஆண்டில் மத்திய உள்துறை அமைச்சராகப் பொறுப்பேற்றார்.
2008 ஆம் ஆண்டு மும்பையில் நடந்த பயங்கரவாதத் தாக்குதலைத் (26/11) தொடர்ந்து, தனது அமைச்சர் பதவியை ராஜினாமா செய்தார். 2010 முதல் 2015 வரை பஞ்சாப் மாநில ஆளுநராகவும், சண்டிகர் யூனியன் பிரதேசத்தின் நிர்வாகியாகவும் பணியாற்றியுள்ளார். அவரது அரசியல் மற்றும் பொது வாழ்க்கைப் பங்களிப்பு குறிப்பிடத்தக்கது.