அதிமுக பொதுக்குழு சிறப்பாக நடைபெற்றதற்கு எடப்பாடி பழனிச்சாமியை நேரில் சந்தித்து பாஜக மாநில தலைவர் நயினார் நாகேந்திரன் வாழ்த்து தெரிவித்ததோடு தொகுதி பங்கீடு தொடர்பாக பேசியதாகவும் பேட்டியளித்துள்ளார். சென்னையில் அதிமுக பொது செயலாளர் எடப்பாடி பழனிச்சாமியை நயினார் நாகேந்திரன் சந்தித்து பேசினார். சுமார் ஒரு மணி நேரத்திற்கு மேலாக இந்த சந்திப்பு நடைபெற்றது. அதன் பிறகு செய்தியாளர்களை சந்தித்து பேசிய நயினார் நாகேந்திரன், அதிமுக பொதுக்குழு சிறப்பாக நடைபெற்றது.
அதற்காக அதிமுக பொதுச் செயலாளர் எடப்பாடி பழனிச்சாமியை நேரில் சந்தித்து வாழ்த்து தெரிவித்தேன். டிடிவி தினகரன் மற்றும் ஓபிஎஸ் கூட்டணி தொடர்பாக எழுப்பப்பட்ட கேள்விக்கு, கூட்டணி மற்றும் தொகுதி பங்கீடு தொடர்பாக எதுவும் பேசவில்லை. மரியாதை நிமித்தமாக மட்டுமே சந்தித்தேன் என்று கூறினார். நாளை மறுநாள் டெல்லி செல்ல உள்ளதாகவும் தெரிவித்தார். இபிஎஸ் உடன் சந்திப்பு மற்றும் டெல்லி பயணம் என அனைத்தையும் வைத்து பார்க்கும் போது மீண்டும் டிடிவி தினகரன் மற்றும் ஓபிஎஸ் NDA கூட்டணியில் இணைவது தொடர்பாக பேச்சுவார்த்தை நடப்பதாகவே தகவல் வெளியாகி உள்ளது.