தமிழ் சினிமாவில் காமெடி நடிப்பில் தனக்கென ஒரு வரவேற்பை அடையாளத்தை ரசிகர்கள் மத்தியில் பெற்றவர் நடிகை கோவை சரளா. 50 வயதுகளை கடந்த நிலையில் அவர் இன்னும் திருமணம் செய்துக்கொள்ளவில்லை. அந்த எண்ணமும் அவருக்கு இல்லை. இதுகுறித்து சமீபத்திய ஒரு நேர்காணலில் பேசிய நடிகை கோவை சரளா கூறியதாவது, திருமணம் செய்தவர்களை பார்த்து சொன்னா கேட்க மாட்டறீங்களே என்று சிரித்துக்கொண்டு இருக்கிறேன். எப்படியும் மனுஷன் தனியா வாழ்ந்துதான் ஆகணும். கல்யாணம் செய்தால் கடைசி வரை புருஷனை கையில் பிடிச்சுட்டு போக முடியாது.
ஒருவேளை ஏதோ காரணங்களால் நம்மை பாதியில் விட்டுட்டு போகலாம். ஓடிப் போகலாம் அல்லது ஒரேயடியாக மேலே போய்விடலாம். எப்படியும் தனியாக தானே இருந்தாகணும்? அதுமட்டுமின்றி சின்ன வயதில் இருந்தே எனக்குள் என்னை அறியாமல் ஆன்மிகம் இருந்திருக்கலாம். எதிர்காலத்தில் நான் இப்படி இருக்க வேண்டும், என் முகம் மக்களுக்கு தெரிய வேண்டும் என்ற எண்ணம் இருந்ததால் திருமணம் குறித்த எண்ணமே வரவில்லை. குதிரைக்கு கடிவாளம் போட்டது போல என் பார்வை சினிமாவை நோக்கியே இருந்து விட்டது என்று நடிகை கோவை சரளா வெளிப்படையாக கூறியிருக்கிறார்.