எல்ஜிபி வாடிக்கையாளர்களுக்கு இலவச காப்பீட்டுத் தொகை வழங்கப்படுகிறது. கேஸ் கசிவு தீ விபத்து அல்லது சிலிண்டர் வெடிப்பு போன்ற விபத்துகளில் இருந்து இது பாதுகாக்கிறது. வீடுகளில் எல்பிஜி சமையல் எரிவாயு உள்ள அனைவரும் இந்த திட்டத்தில் பயன்பெறலாம். எல்பிஜி இணைப்பை வாங்கும் போது அல்லது புதுப்பிக்கும் போது இந்த காப்பீடு தானாகவே கிடைக்கிறது. இதற்காக படிவம் நிரப்பி தரவோ அல்லது கூடுதல் கட்டணம் செலுத்தவோ தேவையில்லை. இந்த காப்பீடு இந்தியன் ஆயில் பாரத் கேஸ் எச்பி கேஸ் போன்ற அனைத்து முக்கிய நிறுவனங்களாலும் வழங்கப்படுகிறது.
மொத்த குடும்ப விபத்து காப்பீடு 50 லட்சம் ரூபாய் வரை கிடைக்கிறது. அதேபோல் தனிநபர் விபத்து இறப்பு காப்பீடு ரூ. 6 லட்சம் வரைக்கும் மருத்துவ சிகிச்சை காப்பீடு 30 லட்சம் ரூபாய் வரைக்கும் கிடைக்கிறது. அதாவது ஒரு குடும்ப உறுப்பினருக்கு 2 லட்சம் ரூபாய் மற்றும் சொத்து சேதம் மதிப்பீடு 2 லட்சம் ரூபாய் வரை சூழ்நிலையை பொறுத்து ஒவ்வொரு குடும்ப உறுப்பினரும் சுமார் 10 லட்சம் ரூபாய் வரை காப்பீடு பெறலாம். இந்த தொகை பாதிக்கப்பட்ட குடும்பத்திற்கு நேரடியாக வழங்கப்படும்.
காப்பீடு பெறுவதற்கான நிபந்தனைகள்; நுகர்வோர் பாதுகாப்பு விதிகளை பின்பற்ற வேண்டும். சிலிண்டர் ரெகுலேட்டர் பைப் மற்றும் அடுப்பு ஐஎஸ்ஐ முத்திரை கொண்டு இருக்க வேண்டும். கேஸ் பைப், ரெகுலேட்டரை தொடர்ந்து சரி பார்க்க வேண்டும். ஏதேனும் விபத்து நிகழ்ந்தால் கேஸ் விநியோகஸ்தர் மற்றும் உள்ளூர் போலீஸ் ஸ்டேஷனுக்கு 30 நாட்களுக்குள் தெரிவிக்க வேண்டும். எஃப்ஐஆர் நகல் மருத்துவமனை பதிவுகள் மருத்துவ பில்கள் மற்றும் இறப்பு ஏற்பட்டால் மருத்துவ பரிசோதனை அறிக்கை ஆகியவை அவசியம். கேஸ் இணைப்பு யாருடைய பெயரில் இருக்கிறதோ அவர்களுக்கு மட்டுமே இந்த காப்பீடு கிடைக்கும். இதில் நாமினியை சேர்க்க முடியாது. விபத்து நடந்த இடத்தை காப்பீட்டு அதிகாரி ஆய்வு செய்வார். இதை தொடர்ந்து அவரது அறிக்கை மூலம் கோரிக்கை அங்கீகரிக்கப்பட்டு காப்பீடு தொகை கிடைக்கும்.