கட்சியின் வளர்ச்சிக்காக, தாங்க முடியாத உடல் வலியையும் பொருட்படுத்தாமல் பணியாற்றுவதாக திருமாவளவன் தனது வேதனையை தெரிவித்துள்ளார். வேலூர் மாவட்டம் குடியாத்தம் பகுதியில் நடைபெற்ற விடுதலைச் சிறுத்தைகள் கட்சி தொண்டர் இல்ல நிகழ்வில் தலைவர் திருமாவளவன் கலந்து கொண்டார். அப்போது பேசிய அவர், என் கண்களில் கட்டி இருக்கிறது. அப்படியிருந்தும் ஆன்டி பயாடிக் மருந்தை போட்டுகொண்டு ஒரு நாளைக்கு 18 மணி நேரம் வரை கட்சி பணிகளை மேற்கொண்டு வருகிறேன்.
இதன் விளைவாக முட்டி வலி, கால் வலி அதிகரித்துள்ளதாக குறிப்பிட்டுள்ளார். மேலும் கழுத்தில் இருந்து இடுப்பு வரை இரும்பு கம்பியை சொருகி வைத்தது போல் உள்ளதாக உருக்கத்துடன் தன் வேதனையை வெளிப்படுத்தியுள்ளார்.