ஆந்திரா மாநிலம் கர்னூல் அருகே நிகழ்ந்த விபத்தில் இரண்டு குழந்தைகள் உட்பட ஒரே குடும்பத்தை சேர்ந்த 5 பேர் உயிரிழந்த சம்பவம் சோகத்தை ஏற்படுத்தியுள்ளது. அவர்கள் கர்நாடகாவில் கோலார் பகுதியை சேர்ந்தவர்கள் என்பதும் மந்த்ராலயம் கோவிலுக்கு சென்று விட்டு வீடு திரும்பிய போது இந்த விபத்து நடந்ததும் தெரியவந்துள்ளது.
இந்த விபத்தில் சிக்கி உயிரற்ற கிடந்த குழந்தைகளின் உடல்களை போலீசார் கனத்த இதயத்தோடு கையில் ஏந்தினர். மேலும் இரண்டு பேர் காயம் அடைந்தனர். இவர்கள் சிகிச்சைக்காக மருத்துவமனையில் அனுமதிக்கப்பட்டு உள்ளனர். அவர்களில் ஒருவரின் நிலை கவலைக்கிடமாக உள்ளது. இதனால் பலி எண்ணிக்கை அதிகரிக்கும் என அஞ்சப்படுகிறது. இந்த விபத்துக்கான காரணம் குறித்து போலீசார் வழக்குப்பதிவு செய்து விசாரணை நடத்தி வருகின்றனர். இந்த சம்பவம் பெரும் அதிர்ச்சியையும் சோகத்தையும் ஏற்படுத்தியுள்ளது.