ஹாங்காங்கில் உள்ள டாய் போ பகுதியில் உள்ள வாங் ஃபுக் கோர்ட் என்ற அடுக்குமாடி குடியிருப்பில் புதன்கிழமை ஏற்பட்ட பெரும் தீ விபத்து, அந்நாட்டின் சமீபத்திய வரலாற்றில் மிகவும் மோசமான ஒன்றாக மாறியுள்ளது. இந்தத் துயரச் சம்பவத்தில் குறைந்தபட்சம் 55 பேர் உயிரிழந்துள்ளனர்; குடியிருப்பின் உள்ளே 51 பேர் இறந்த நிலையில் மீட்கப்பட்டனர், மேலும் 4 பேர் மருத்துவமனையில் சிகிச்சை பலனின்றி உயிரிழந்தனர்.
தீ விபத்திற்கான சரியான காரணம் இன்னும் விசாரணையில் இருந்தாலும், கட்டிட பழுதுபார்ப்புப் பணிகளுக்குப் பொதுவாகப் பயன்படுத்தப்படும் மூங்கில் சாரக்கட்டு மற்றும் கட்டுமான வலை ஆகியவை தீ வேகமாகப் பரவக் காரணமாக இருந்திருக்கலாம் என்று அதிகாரிகள் கருதுகின்றனர். இந்தத் தீ விபத்து குறித்து சமூக வலைத்தளங்களில் ஒரு வீடியோ பரவி வருகிறது. அந்த வீடியோவில், தீ விபத்து ஏற்படுவதற்குச் சற்று முன்பு, கட்டிடத்தின் வெளிப்புறச் சுவரைச் சீரமைக்கும் பணியில் ஈடுபட்டிருந்த ஒரு தொழிலாளி, ஒரு பகுதியில் சிகரெட் பிடிப்பது பதிவாகியுள்ளது.
இந்த வீடியோ, தீ விபத்துக்கு மனிதத் தவறு காரணமாக இருக்கலாமா என்ற சர்ச்சையை ஏற்படுத்தியுள்ளது. இந்த வீடியோவின் நம்பகத்தன்மையை அதிகாரிகள் இன்னும் உறுதிப்படுத்தவில்லை என்றாலும், அனைத்துக் கோணங்களிலும் விசாரணை நடைபெற்று வருவதாகத் தெரிவித்துள்ளனர். இந்த அடுக்குமாடி குடியிருப்பில் எட்டு, 31 மாடி கோபுரங்கள் உள்ளன. இதில் சுமார் 4,800 பேர் வசித்து வருகின்றனர் என்பது குறிப்பிடத்தக்கது.
Shocking new footage reveals workers were caught casually smoking while repairing the outer wall of Wang Fu Court, Tai Po in Hong Kong, moments before the entire building went up in flames pic.twitter.com/TWNu4gk65V
— Surajit (@surajit_ghosh2) November 27, 2025