தமிழகம் முழுவதும் காலி பாட்டிலை திரும்பப் பெறும் திட்டமானது நவ.30-க்குள் அமலுக்கு வரவுள்ளது. தமிழக அரசு, டாஸ்மாக் கடைகளில் விற்கப்பட்ட மதுபானங்களின் காலி பாட்டில்களை திரும்பப் பெற வேண்டும் என்று அறிவித்துள்ளது. இந்த நடைமுறையானது ஏற்கனவே கொடைக்கானல், ஊட்டி போன்ற சுற்றுலாத் தலங்களை உள்ளடக்கிய மொத்தம் 15 மாவட்டங்களில் அமலில் உள்ளது. அதாவது சுற்றுலா பயணிகள் மது அருந்திவிட்டு பாட்டில்களை ஆங்காங்கே வீசி செல்வதால் வனவிலங்குகள் பாதிக்கப்படுவதைத் தடுக்கும் விதமாக இந்த திட்டம் கொண்டுவரப்பட்டது.
ஏற்கெனவே 15 மாவட்டங்களில் இந்த திட்டம் நடைமுறையில் உள்ள நிலையில், திருச்சி, திருப்பூர் உள்ளிட்ட மாவட்டங்களிலும் இந்த திட்டம் அமலாகியுள்ளது. அதன்படி, QR CODE, கடை எண் ஒட்டப்பட்ட மதுபாட்டில்கள் விநியோகம் செய்யப்படும். மது பாட்டிலுக்கு 10 ரூபாய் அதிகம் கொடுத்து வாங்கிவிட்டு, அதே கடையில் காலி பாட்டிலை கொடுத்து பணத்தை திரும்பப் பெறலாம்