தமிழகத்தில் 2026 ஆம் ஆண்டு நடைபெற உள்ள சட்டமன்றத் தேர்தலுக்கான ஆயத்த பணிகளை அனைத்து அரசியல் கட்சிகளும் தீவிர படுத்தியுள்ளன. தேர்தல் களத்தில் கட்சிகள் நேரடியாக செயல்பட தொடங்கும் முன்னரே கூட்டணி பேச்சு வார்த்தைகள் மற்றும் அரசியல் வியூகங்கள் மறைமுகமாக அரங்கேறிக் கொண்டிருக்கிறது. இதனிடையே அதிமுகவின் மூத்த தலைவரான செங்கோட்டையன் அண்மைக்கால அரசியல் நகர்வு உன்னிப்பாக கவனிக்கப்பட்டு வருகிறது. அரசியல் அனுபவம் வாய்ந்த மூத்த தலைவர், கொங்கு மண்டலத்தில் செல்வாக்கு மிக்க தலைவராக இருக்கும் செங்கோட்டையன் தற்போது சட்டமன்ற உறுப்பினராகவும் உள்ளார். பல வருடங்களாக அதிமுகவில் முக்கிய அங்கம் வகித்த இவர் அண்மையில் கட்சியின் தலைமைக்கு எதிராக செயல்பட்டதாக கூறி அதிமுகவின் அடிப்படை உறுப்பினர் பொறுப்பில் இருந்து நீக்கப்பட்டார்.
இவருடைய நீண்ட அரசியல் அனுபவத்தையும் கட்சிக்குள் இவருடைய பங்களிப்பையும் கருத்தில் கொண்டு இந்த நீக்கம் அரசியல் வட்டாரத்தில் பரபரப்பை கிளப்பியது. கட்சியை விட்டு நீக்கப்பட்ட கையோடு செங்கோட்டையன் திடீரென்று டெல்லி பயணம் சென்று மத்திய உள்துறை அமைச்சர் அமித்ஷாவை நேரில் சந்தித்தார். இந்த பரபரப்பான சந்திப்பு குறித்து அதிகாரப்பூர்வ தகவல் வெளியாகாத நிலையில் இது ஒரு உயர்மட்ட ரகசியமான சந்திப்பாக பார்க்கப்பட்டது. தேசிய அரசியலில் செல்வாக்கு மிக்க அமித்ஷாவுடன் மாநில அளவில் கட்சியை விட்டு நீக்கப்பட்ட ஒரு தலைவர் சந்திப்பு நடத்தியது செங்கோட்டையனின் அடுத்த கட்ட நகர்வு தேசிய தலைமையின் ஆலோசனையின் பேரில்தான் இருக்கும் என்ற சந்தேகத்தை வலுப்படுத்தியது.
இப்படியான நிலையில் அரசியல் குழப்பங்களுக்கு முற்றுப்புள்ளி வைக்கும் வகையில் அதிமுகவின் முன்னாள் அமைச்சர் செங்கோட்டையன் தனது எம்எல்ஏ பதவியை நேற்று ராஜினாமா செய்த நிலையில் இன்று விஜய் தலைமையிலான தமிழக விபத்து கழகம் கட்சியில் இணைய இருப்பது அதிகாரப்பூர்வமாக உறுதி செய்யப்பட்டுள்ளது. அதேசமயம் விஜய் செங்கோட்டையனுக்கு அரசியல் அனுபவத்திற்கு ஏற்ப முக்கிய பொறுப்பை வழங்க உள்ளதாகவும் கூறப்படுகிறது.
இந்நிலையில் விஜய் முன்னிலையில் இன்று செங்கோட்டையன் தமிழக வெற்றிக்கழகம் கட்சியில் இணைய உள்ளது தான் இன்றைய ஹாட் டாபிக்காக உள்ளது. மேலும் அவருடைய ஆதரவாளர்களான முன்னாள் எம்பி சத்தியபாமா, அதிமுக முன்னாள் நிர்வாகிகள் கந்தவேல் முருகன், சுப்பிரமணியன், குறிஞ்சிநாதன், மௌடிடீஸ்வரன், முத்துசாமி மற்றும் ரமேஷ் உள்ளிட்டோ வரும் தமிழக வெற்றிக்கழகம் கட்சியில் இணைய உள்ளன. இது விஜய்க்கான கொங்கு அரசியலில் முக்கிய தாக்கத்தை ஏற்படுத்தும் என அரசியல் நோக்கர்கள் கூறுகின்றனர்.