சிவகங்கையில் நடைபெற்ற உதயநிதி பிறந்தநாள் விழா மேடையில் நடனம் ஆடிக்கொண்டிருந்த இளம் பெண்களை தன்னுடைய அருகில் ஆடச் சொல்லி கூட்டுறவுத்துறை அமைச்சர் ரசித்த வீடியோ தற்போது இணையத்தில் வெளியாகி பேசு பொருளாகியுள்ளது. இதற்கு கண்டனம் தெரிவித்துள்ள பாஜக எம்எல்ஏ வானதி சீனிவாசன், இதுதான் பெண்களை மரியாதையாக நடத்தக்கூடிய அரசா? விழாக்களில் தமிழ் தாய் வாழ்த்து பாடுவதையே புறக்கணித்து தமிழுக்கு அவமரியாதை செய்த முதல்வர் அவர்களே, இன்று வாரிசு அரசியல் வழிவந்த உங்கள் புதல்வன் துணை முதல்வர் உதயநிதி பிறந்தநாள் விழாவில் அமைச்சர் பெரிய கருப்பனின் செயலால் திமுக அரசு தரம் எவ்வளவு தாழ்ந்துள்ளது என்பதற்கு சாட்சி.
சிவகங்கையில் நடைபெற்ற விழாவில் அமைச்சர் அருகில் அரைகுறை ஆடையுடன் நடனமாடிய பெண்களை வசித்துக் கொண்டிருக்கின்றார். ஏற்கனவே ஓசி பஸ், பவுடர் வாங்குனீங்களா என்று தொடர்ந்து கீழ்தரமாக பேசி வரும் வேளையில் உச்சகட்டமாக உல்லாச விடுதியில் ஆடுவது போல பெண்களை ஆட வைத்து அமைச்சர் ரசிக்கின்றார். இதுதான் உங்களுடைய பெண்ணுரிமையா? சமூக நீதியா? தமிழகத்தில் வருகின்ற 2026 தேர்தலில் பெண்கள் இதற்கெல்லாம் முடிவு கட்டுவார்கள். பீகாரில் பெண்கள் வாக்குகளே வெற்றிக்கு முக்கியமாக எதிரொலித்தது போல தமிழகத்திலும் அது கட்டாயம் நடக்கும் என்று வானதி சீனிவாசன் குறிப்பிட்டுள்ளார்.
பெண்களை அருகில் ஆடச் சொல்லி ரசித்த அமைச்சர் பெரிய கருப்பன்..!
இந்த ஆளு இன்னும் திருந்தல 🤦♂️ pic.twitter.com/b7B4CLcpDL
— Phoenix Vignesh (@PhoenixAdmk) November 26, 2025