அதிமுக ஒருங்கிணைப்பு கோரிக்கையை முன்வைத்து எடப்பாடி பழனிச்சாமிக்கு எதிராக போர் கொடி தூக்கிய செங்கோட்டையன் சமீபத்தில் கட்சியிலிருந்து நீக்கப்பட்டார். இதனைத் தொடர்ந்து செங்கோட்டையனின் அடுத்த கட்ட நகர்வு அரசியலில் உன்னிப்பாக கவனிக்கப்பட்டு வரும் நிலையில் தற்போது அவர் விஜயின் தமிழக வெற்றிக்கலகம் கட்சியில் இணைய உள்ளதாக தகவல் வெளியாகி உள்ளது. எதற்காக ஆதவ் அர்ஜுனா சில நாட்கள் முன்பு செங்கோட்டை அணை சந்தித்து பேசியதாக கூறப்படுகிறது. வருகின்ற நவம்பர் 27ஆம் தேதி அதாவது நாளை மறுநாள் விஜய் முன்னிலையில் செங்கோட்டையனை கட்சியில் இணைக்க தமிழக வெற்றிக்கழகம் தயாராக இருப்பதாகவும் ஆனால் இறுதி முடிவு எடுக்க முடியாமல் செங்கோட்டையன் குழப்பத்தில் இருப்பதாகவும் தகவல் வெளியாகி உள்ளது.
இதனால் இரண்டு நாட்களாக முக்கிய நபர்களை தவிர வழக்கமாக தன்னை சந்திக்க வரும் ஆதரவாளர்கள் மற்றும் தொகுதி நபர்களின் சந்திப்பை செங்கோட்டையன் தவிர்த்து உள்ளார். கோபி அருகே குள்ளம்பாளையம் இல்லத்தில் உள்ள அவரை சந்திக்க வருபவர்களும் திருப்பி அனுப்பப்பட்டனர். தன்னுடைய முக்கிய ஆதரவாளர்களிடம் செங்கோட்டையன் செல்போன் மூலம் ஆலோசித்து வரும் நிலையில் இன்று இரவு சென்னை செல்கிறார். அவர் எடுக்கும் இறுதி முடிவின் அடிப்படையில் நாளை மறுநாள் தமிழக வெற்றி கழகம் கட்சியில் இணைகிறாரா என்பது தெரியவரும்.