நடந்து முடிந்த பீகார் சட்டப்பேரவை தேர்தலில் என்டிஏ கூட்டணி 202 தொகுதிகளில் அபார வெற்றி பெற்றுள்ள நிலையில், பாஜக 89 தொகுதிகளில் வென்று தனிப்பெரும் கட்சியாக உருவெடுத்துள்ளது. இந்நிலையில் பீகார் தேர்தலில், ரூ.40 ஆயிரம் கோடியை அள்ளி வீசி வாக்குகளை வாங்கி விட்டதாக பிரசாந்த் கிஷோரின் ஜன்சுராஜ் கட்சியின் தேசிய தலைவர் உதய் சிங் பரபரப்பு குற்றசாட்டை வைத்துள்ளார்.
இதுகுறித்து நேற்று செய்தியாளர்களை சந்தித்து பேசிய அவர், “நிதிஷ் குமார் அரசாங்கம், பொதுப் பணத்தின் மூலம் மக்களின் வாக்குகளை வாங்க ரூ.40,000 கோடியை செலவிட்டது. அம்மாநிலத்தில் உள்ள பெண்களின் வங்கிக் கணக்குகளுக்கு தலா ரூ.10,000 மாற்றப்பட்டது” என குற்றம்சாட்டியுள்ளார்.