பயணிகளுக்கு குட் நியூஸ்..! தமிழகம் முழுவதும் சிறப்பு பேருந்துகள் இயக்கம்…. வெளியான முக்கிய தகவல்…!!

வார இறுதி விடுமுறை மற்றும் கார்த்திகை தீபத்தையொட்டி பயணிகள் வருகை அதிகரிக்கும் என்பதால் TNSTC, SETC சிறப்பு பேருந்துகளை இயக்குகிறது. இந்நிலையில் சென்னை, பெங்களூரு, கோயம்புத்தூர் போன்ற நகரங்களில் இருந்து பல மாவட்டங்களுக்கு கூடுதல் வாகனங்கள் நாளை முதல் செல்லும். இதனையடுத்து கிளாம்பாக்கத்தில் இருந்து திருவண்ணாமலை, திருச்சி, மதுரை, கும்பகோணம், கோயம்புத்தூர், நாகர்கோவில், கன்னியாகுமரி, தூத்துக்குடி போன்ற இடங்களுக்கு நாளை 340, அடுத்த நாள் 350 பேருந்துகள் இயக்கப்படும்.

பின்னர் கோயம்பேட்டில் இருந்து வேளாங்கண்ணி, நாகை, ஓசூர், பெங்களூரு, திருவண்ணாமலைக்கு தினமும் 55 சிறப்பு பேருந்துகள் இயக்கப்படும். இதனால் பெங்களூரு, கோயம்புத்தூர் திரும்பும் பயணத்திற்கு கூடுதல் வசதி செய்யப்பட்டது. இந்நிலையில் பெங்களூரு, திருப்பூர், ஈரோடு, கோயம்புத்தூரில் இருந்து மாநிலத்தின் பல இடங்களுக்கு 100 சிறப்பு பேருந்துகள் செல்லும்.

மாதவரத்தில் இரு நாட்களுக்கு 20 கூடுதல் வாகனங்கள் இணைக்கப்பட்டன. நவம்பர் 16 ஞாயிறு பெங்களூரு திரும்பும் பயணிகளுக்கு அதிக பேருந்துகள் இயக்கப்படும். இதனால் அனைத்து நிலையங்களிலும் சிறப்பு கவுண்டர்கள் அமைக்கப்பட்டன. கூட்டநெரிசலைத் தவிர்க்க www.tnstc.in அல்லது ஆப் மூலம் முன்பதிவு செய்ய அறிவுறுத்தப்பட்டது.