புதுக்கோட்டை அருகே கீரனூர் -நார்த்தமலை சாலையில் மலை மாதா கோவிலுக்கு அருகே சிறிய ரக விமானம் ஒன்று திடீரென்று சாலையில் தரையிறங்கியது. விமானம் தரையிறங்கியதை கண்டு வாகன ஓட்டிகள் அனைவரும் அதிர்ச்சி அடைந்தனர். தொழில்நுட்ப கோளாறு காரணமாக கீரனூர் சாலையில் விமானம் தரையிறக்கப்பட்டதாக தகவல் வெளியாகி உள்ளது. இந்த சிறிய ரக விமானத்தில் பயிற்சியில் ஈடுபட்டிருந்தபோது முன் பகுதி சேதமடைந்த காரணத்தால் அவசர அவசரமாக தரையிறக்கப்பட்டதாக கூறப்படுகிறது.
சாலை போக்குவரத்து இருந்த நேரத்தில் விமானம் தரையிறங்கிய நிலையில் எந்த அசம்பாவிதமும் நடைபெறவில்லை. விமானத்தில் இருந்த பயிற்சி விமானி இருவர் மீட்க பட்டு காயங்களுடன் மருத்துவமனைக்கு அனுப்பி வைக்கப்பட்டனர். உடனே சம்பவ இடத்திற்கு விரைந்த விமானப்படை அதிகாரிகள் மற்றும் போலீஸ் அதிகாரிகள் விசாரணை நடத்தி வருகிறார்கள். புதுக்கோட்டை – திருச்சி நெடுஞ்சாலையில் சிறிய ரக விமானம் ஒன்று திடீரென்று சாலையில் தரையிறங்கிய சம்பவம் பரபரப்பை கிளப்பியுள்ள நிலையில் தற்போது அது தொடர்பான வீடியோ இணையத்தில் வைரலாகி வருகிறது.