சென்னை சூப்பர் கிங்ஸ் அணி, 2026 ஐபிஎல் சீசனுக்காக பெரிய மாற்றத்துக்குத் தயாராகி வருகிறதாம். 2025 சீசனில் அணிக்கு ஏற்பட்ட மோசமான நிலை புள்ளிப்பட்டியலில் கடைசி இடத்தில் முடித்தது காரணமாக, புதிய வீரர்களை சேர்க்கும் முயற்சியில் அவர்கள் தீவிரமாக உள்ளனர். 19வது ஐபிஎல் தொடருக்கான மினி ஏலம் டிசம்பர் 15 அல்லது 16ஆம் தேதிகளில் நடைபெற உள்ளது.
இதற்கான வீரர்கள் தக்கவைப்பு, விடுவிப்பு பட்டியலை அணிகள் நவம்பர் 15ஆம் தேதிக்குள் சமர்ப்பிக்க வேண்டும். இந்நிலையில், கொல்கத்தா நைட் ரைடர்ஸ் அணி வெங்கடேஷ் ஐயர், நோர்ஜ், டி காக், ஸ்பென்சர் ஜான்சன் ஆகிய 4 பேரையும் விடுவிக்க உள்ளதாக தகவல் வெளியாகியுள்ளது. இதன் மூலம் ரூ.40 கோடியோடு ஏலத்தில் பங்கேற்கும் என எதிர்பார்க்கப்படுகிறது.