புதுமையை புது கோணத்தில் வெளிப்படுத்தும் வகையில் பீகாரை சேர்ந்த ஒரு நபர் பைக்கை நான்கு சக்கர வாகனமாக மாற்றி அதில் கட்டிலுடன் சவாரி செய்த வீடியோ இணையத்தில் வெளியாகி பலரையும் ஆச்சரியத்தில் ஆழ்த்தியுள்ளது. தினம்தோறும் இணையத்தில் ஏராளமான வீடியோக்கள் வெளியாகி நம்மை வியக்க வைக்கும் நிலையில் தற்போது இந்த வீடியோவும் பலரையும் வியக்க வைத்துள்ளது. இருசக்கர வாகனத்தை நான்கு சக்கர வாகனமாக மாற்றி அதில் கட்டிலைப் பொருத்தி ஒருவர் சவாரி செய்யும் வீடியோ பலரையும் கவர்ந்துள்ளது.
பீகார் மாநிலம் சீதாமரி மாவட்டத்தை சேர்ந்த ஒரு நபர் தான் இந்த செயலை செய்துள்ளார். அவர் தன்னுடைய பைக்கின் பின்புறத்தில் கூடுதலாக இரண்டு சக்கரங்களை இணைத்து அதன் மீது ஒரு தளத்தை உருவாக்கி அதில் கட்டிலைப் பொருத்தியுள்ளார். அந்தக் கட்டிலில் அமர்ந்தபடி வாகனத்தை இயக்கும் இந்த திறமையான காட்சியை பலரையும் வியக்க வைத்துள்ளது. அதுமட்டுமல்லாமல் இந்த முயற்சியை வெளிப்படுத்திய நபர் மாற்றுத்திறனாளி என்பதால் பலரும் அவரை பாராட்டி வருகிறார்கள். தற்போது அந்த வீடியோ இணையத்தில் வைரல் ஆகி வருகின்றது.
https://www.instagram.com/manish_sharma_5248/reel/DQn3OLYjy-M/