தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருப்பதால் தற்போது தேர்தல் களம் சூடுபிடிக்க தொடங்கிவிட்டது. அனைத்து கட்சியினரும் தீவிரமாக தேர்தல் பணியில் ஈடுபட்டு வருகின்றனர். ஒரு பக்கம் தொகுதி பங்கீடு மற்றும் கூட்டணி பேச்சு வார்த்தை என மும்முரமாக செயல்பட்டு வருகிறார்கள். இதனிடையே விஜயும் களத்தில் இறங்கியுள்ளதால் 2026 தேர்தல் களம் பரபரப்பாகவே பார்க்கப்படுகிறது.
அதே சமயம் சமீபத்தில் நடந்த கரூர் துயரத்தில் விஜய்க்கு சட்டரீதியாக பல சிக்கல்கள் வந்த நிலையில் அதனை பொறுமையாக கையாண்டு மீண்டும் கட்சியை மீட்டெடுத்துள்ளார். அடுத்தடுத்து கட்சியை வலுப்படுத்துவதற்கான பணிகளை விஜய் தீவிரப்படுத்தி உள்ளார். சமீபத்தில் கரூரில் பாதிக்கப்பட்ட குடும்பங்களை விஜய் சந்தித்து பேசி இருந்தார். இதனைத் தொடர்ந்து தமிழக வெற்றி கழகம் கட்சியின் அரசியல் பணிகள் வேகம் எடுத்துள்ளது.
இந்நிலையில் 2026 தேர்தலில் தமிழக வெற்றிக் கழகம் கட்சியின் சின்னத்தை அறிய பலரும் ஆர்வமாக காத்திருக்கின்றனர். தற்போது சின்னத்திற்கு விண்ணப்பிக்க இன்று தமிழக வெற்றி கழகம் கட்சியினர் டெல்லி செல்கின்றனர். இளைஞர்கள் மற்றும் பெண்களை கவரும் வகையில் ஐந்து சின்னங்களை விஜய் தேர்வு செய்து வைத்திருப்பதாக ஏற்கனவே தகவல்கள் வெளியானது. ஆட்டோ மற்றும் விசில் சின்னங்கள் பரிந்துரை பட்டியலில் இருப்பதாக தமிழக வெற்றிக்கழகம் வட்டாரங்கள் தெரிவிக்கின்றன. விரைவில் சின்னம் குறித்து அறிவிப்பு வெளியாகலாம் என தெரிகிறது