சமூக வலைதளத்தின் தாக்கம் நாளுக்கு நாள் அதிகரித்துக் கொண்டே செல்கிறது. youtube, இன்ஸ்டாகிராம் போன்றவற்றில் அதிக அளவில் ரீல்ஸ் பார்த்து வருகிறார்கள். இது தனி மனித வாழ்க்கையில் தவிர்க்க முடியாத ஒன்றாகவே மாறிவிட்டது. இது நாளடைவில் பல நோய்களுக்கும் காரணமாக அமைந்துள்ளது. ரீல்ஸ் பார்ப்பவர்களுக்கு அவர்களுக்கு தெரியாமல் தினம் தினம் அதற்கு அடிமையாகிக் கொண்டிருக்கிறார்கள். கொஞ்ச நேரம் பார்ப்போம் என்று ஆரம்பிக்கும் பொழுது பல மணி நேரங்கள் கடந்து பார்த்துக் கொண்டே இருப்பவர்களும் இருக்கிறார்கள். இதனால் ஏற்படும் ஆரோக்கிய குறைபாடுகள் என்னென்ன என்பது குறித்து பார்க்கலாம்.
ரீல்ஸ் பார்ப்பதை கட்டுப்படுத்தாவிட்டால் மன அழுத்தம் அதிகமாகும். இதில் மகிழ்ச்சி, கவலை என அடுத்தடுத்த உணர்வுகளை மாற்றிக் கொள்ளும் காணொளிகளை பார்க்கும் பொழுது நம்முடைய மூளை என்ன செய்வது என்று தெரியாமல் சோர்வாகும். இதனால் பல குழப்பங்கள் ஏற்படும். ஒரு வீடியோவில் சரி என்று கூறப்பட்ட விஷயம் மற்றொரு வீடியோவில் தவறாக காட்டப்படும். இது உங்களுடைய வாழ்க்கையில் ஒருவித குழப்பத்தை உண்டு பண்ணும். ஆய்வுகளின் படி ரீல்ஸ் அதிகமாக பார்ப்பவர்களுக்கு உயர் இரத்த அழுத்தம் ஏற்படும் அபாயம் உள்ளதாக கூறப்படுகிறது. ஏனென்றால் ரீல்ஸ் தாக்கம் தூக்கத்தின் தரத்தையும் குறைக்கும். சாதாரணமாக இல்லாமல் நரம்பு மண்டலத்தை தூண்டி உடலை ஒருவித பதட்டமான நிலைக்கு கொண்டு செல்லும்.