அதிமுகவில் கட்சி மாற்றம் ஏற்பட வேண்டும் என்று இன்று மதுரை வரும் சசிகலாவை வரவேற்று அவருடைய ஆதரவாளர்கள் ஒட்டியுள்ள போஸ்டரால் அதிமுகவில் பரபரப்பு ஏற்பட்டுள்ளது. பசும்பொன் முத்துராமலிங்க தேவர் குருபூஜை விழா இராமநாதபுரம் மாவட்டம் பசும்பொன்னில் இன்று நடைபெற உள்ளது. இதில் கலந்து கொள்ள மதுரை வரும் சசிகலாவை வரவேற்று மதுரை மாவட்டத்தை சேர்ந்த ஆதரவாளர்கள் அவனியாபுரம் பகுதியில் போஸ்டர் ஒட்டியுள்ளார்கள்.
அதில் 2026-ல் தமிழகத்தில் ஆட்சி மாற்றம் ஏற்பட அதிமுகவில் கட்சி மாற்றம் ஏற்பட வேண்டும். இந்த ஆட்சி மாற்றத்திற்கு சின்னம்மா பிள்ளையார் சுழி போட வேண்டும் என்று கூறப்பட்டுள்ளது. இது அதிமுகவினர்களையே அதிர்ச்சி ஏற்படுத்தி உள்ளது.