சட்டமன்ற தேர்தலை எதிர்நோக்கி அதிமுக மற்றும் திமுக இடையே போட்டி என்ற நிலை மாறி தற்போது விஜயும் களத்தில் இறங்கியுள்ளதால் 2026 தேர்தல் களம் பரபரப்பாகவே பார்க்கப்படுகிறது. இதனிடையே சமீபத்தில் கரூரில் நடைபெற்ற விவகாரம் விஜய்க்கு மிகப்பெரிய சிக்கலை ஏற்படுத்தியுள்ள நிலையில் தற்போது சிபிஐ விசாரணையில் கரூர் விவகாரம் உள்ளது. இதனை தொடர்ந்து அடுத்த கட்ட கட்சி பணிகளை விஜய் தொடர்ந்து செய்து வருகின்றார். கரூர் சம்பவத்திற்கு விஜய் தாமதமாக வந்தது, போக்குவரத்து நெரிசல் ஆகியவை காரணமாக சொல்லப்பட்டது.
இப்படியான நிலையில் TVK தலைவர் விஜய், எந்த பெரிய திராவிட கட்சிகளுடனும் கூட்டணி வைக்காமல், 234 தொகுதிகளிலும் தனித்து போட்டியிட்டால், சுமார் 120 சட்டமன்ற தொகுதிகளில் வெற்றிப் பெற வாய்ப்பு இருப்பதாக கூறப்படுகிறது. ஒருவேளை, விஜய் ஒரு வலுவான கட்சியுடன் கூட்டணி வைத்தால், 200க்கும் மேற்பட்ட இடங்களில் வெற்றிப் பெற வாய்ப்பு உள்ளதாகவும் அரசியல் நிபுணர்கள் கூறுகின்றனர். மேலும் இந்த கணிப்பு, பாரம்பரிய திராவிட கட்சிகளின் வாக்கு வங்கியை ஒட்டுமொத்தமாக சிதைக்கலாம் எனவும் கூறுகின்றனர்.