தற்போது வங்க கடலில் உருவாகியுள்ள காற்றழுத்த தாழ்வு பகுதிக்கு பிறகு வருகின்ற அக்டோபர் 25 மற்றும் 26 ஆகிய தேதிகளில் மீண்டும் ஒரு புதிய காற்றழுத்த தாழ்வு பகுதி உருவாக வாய்ப்புள்ளதாக தமிழ்நாடு வெதர்மேன் பிரதீப் ஜான் தெரிவித்துள்ளார். இந்த சுழற்சியை புயலாக வலுப்பெறவும் வாய்ப்பு உள்ளது. தற்போது உருவாகியுள்ள குறைந்த காற்றழுத்த தாழ்வு பகுதியால் சென்னை, திருவள்ளூர், காஞ்சிபுரம் மற்றும் செங்கல்பட்டு உள்ளிட்ட மாவட்டங்களில் அடுத்த மூன்று நாட்களுக்கு பலத்த மழை பெய்யும்.
இன்று டெல்டா மாவட்டங்களான நாகை, திருவாரூர், திருச்சி, தஞ்சாவூர், பெரம்பலூர், காரைக்கால், புதுக்கோட்டை, ராமநாதபுரம், கடலூர், புதுச்சேரி, விழுப்புரம், சென்னை, திருவள்ளூர், காஞ்சிபுரம் மற்றும் செங்கல்பட்டு ஆகிய மாவட்டங்களில் கனமழைக்கு வாய்ப்புள்ளது. இந்த மாதம் இறுதியில் உருவாகும் புதிய காற்றழுத்த தாழ்வு பகுதி வலுப்பெற்று சக்கரமாக மாறவும் வாய்ப்பு உள்ளதாக அவர் தெரிவித்துள்ளார். இதன் மூலமாக தமிழகத்திற்கு இன்னும் கனமழை காத்திருக்கிறது என்பது உறுதியாகி உள்ளது.