தமிழகத்தில் 2026 ஆம் ஆண்டு சட்டமன்றத் தேர்தல் நடைபெறுவதற்கு இன்னும் சில மாதங்கள் மட்டுமே உள்ளதால் தேர்தல் களம் பரபரப்பாக செயல்பட்டு வருகிறது. அதிமுக மற்றும் திமுக இடையே தொடரும் போட்டியில் நடிகர் விஜயும் களத்தில் இறங்கியுள்ளதால் 2026 சட்டமன்றத் தேர்தல் களம் பரபரப்பாக மாறி உள்ளது. இதனிடையே கரூர் விவகாரத்தை தங்கள் ஆதரவாக மாற்றிக் கொள்ளும் வகையில் அதிமுக மற்றும் பாஜகவினர் நடவடிக்கை எடுத்துள்ளனர். ஆனால் விஜய் கூட்டணி யாருடன் அமைக்கப் போகிறார் என்பது பெரும் எதிர்பார்ப்பாக உள்ளது.
இந்நிலையில் தமிழக வெற்றி கழகம் தலைவர் விஜய் ஆழ்ந்து சிந்திக்க வேண்டிய நேரம் இது, வாய்ப்பை நழுவ விட மாட்டார் என்று அதிமுக முன்னாள் அமைச்சர் ஆர் பி உதயகுமார் நம்பிக்கை தெரிவித்துள்ளார். மதுரையில் இன்று செய்தியாளர்களை சந்தித்து பேசிய அவர், திமுகவை வீழ்த்தும் சக்தி எல்லாம் ஒன்றிணைய வேண்டும். சரியான நேரத்தில் சரியான முடிவு எடுப்பவர்கள்தான் தலைவர்களாக முடியும். தவறான முடிவெடுத்தவர்கள் அரசியல் செல்வாக்கை இழந்து, அடையாளம் இல்லாமல் போனதுதான் வரலாறு என்று தெரிவித்துள்ளார்.