விழுப்புரம் திண்டிவனம் அருகே தைலாபுரத்தில் உள்ள பாமக நிறுவனர் ராமதாஸ் வீட்டுக்கு வெடிகுண்டு மிரட்டல் விடுக்கப்பட்டுள்ளது. தொலைபேசியில் தொடர்பு கொண்ட மர்ம ஆசாமி குண்டு வைத்திருப்பதாக தெரிவித்துள்ளார். இதனைத் தொடர்ந்து சம்பவ இடத்திற்கு விரைந்த போலீசார் மற்றும் வெடிகுண்டு செயலிழப்பு குழுவினர் மோப்பநாய் உதவியுடன் தீவிர சோதனையில் ஈடுபட்டனர். இதனைத் தொடர்ந்து இது வெறும் வதந்தி என தெரிய வந்தது. சமீபகாலமாக தொடர்ந்து அரசியல் தலைவர்கள் மற்றும் சினிமா பிரபலங்களின் வீடுகள் மற்றும் அலுவலகங்களுக்கு வெடிகுண்டு மிரட்டல் விடுக்கப்பட்டு வருவது பரபரப்பை கிளப்பியுள்ளது.
