தமிழக வெற்றிக் கழக தலைவர் விஜய்யுடன் கூட்டணி வைப்பது தொடர்பாக பாஜக மாநில தலைவர் நயினார் நாகேந்திரன் சட்டப்பேரவையில் விளக்கமளித்துள்ளார். சட்டப்பேரவை வளாகத்தில் இன்று செய்தியாளர்களைச் சந்தித்து பேசிய அவர், “விஜய்யுடன் கூட்டணி வைப்பதற்காக அதிமுக அவர்களுக்கு ஆதரவாக பேசுவதாக திமுகவினர், சட்டப்பேரையில் குற்றச்சாட்டை முன்வைத்தனர். ஆனால் விஜய்காக நாங்கள் பேசவில்லை.
அந்த 41 பேர் மரணத்திற்காக தான் நாங்கள் குரல் கொடுத்து வருகிறோம். இதில் கூட்டணி எதுவும் கிடையாது” என்றார். இன்று நடந்த சட்டப்பேரவையில் கரூர் விவகாரம் குறித்து ஆளும் கட்சி மற்றும் எதிர்கட்சியினருக்கு இடையே காரசார விவாதம் நடைபெற்றது. இதில் அதிமுகவும், பாஜகவும் வெளிநடப்பு செய்தனர்.